Hindi nagdalawang-isip si Sam Milby, 40, na ibahagi ang karanasan niya sa pag-ibig.

Sa presscon ng pelikulang Everything About My Wife, bukod-tangi siya sa cast members na nagpangalan kung sino ang kanyang first love.

Ipinanganak at lumaki si Sam sa Troy, Ohio, sa U.S.

Nanirahan siya sa Pilipinas mula 2005, na siya ring taon kung kailan siya nadiskubre sa franchise reality show ng ABS-CBN, ang Pinoy Big Brother Season 1.

“My first love? Oh wow. My first girlfriend was when I was about 12 or 13,” bungad ni Sam.

“But I wouldn’t say she was my first love. I had a huge crush on her for how many years.

“Her name is Laura Miller,” dagdag niya tungkol sa kanyang first girlfriend.

Sabay pag-amin ni Sam, “But my first love I would say was my high school girlfriend. Four years kami. Her name is Lindsay Perry.”

Natawa si Sam sa pagbuking niya sa sarili, “Yeah, okay, I shared it. We were four years on and off.”

SAM MILBY ON WHAT MADE HIM FALL FOR HIS FIRST LOVE

Paano nahulog ang loob niya kay Lindsay?

Sagot ni Sam: “For me, the foundation of friendship is really important.

“You really know the person. And everything else follows after that, e.

“And obviously, physical attraction. That’s a given.

“We got along. We had a lot of similar likes. Kaya lagi kami magkasama.”

Nang may magtanong sa press kung ano ang spelling ng pangalan ng kanyang first love para mahanap ito sa social media, natawang muli si Sam.

Sabi niya, “May asawa na siya. Kaya pag sinearch niyo Lindsay Perry hindi na [makikita]. Hahaha!”

Dagdag ni Sam, masyado pa silang bata noon kaya nauwi rin sa hiwalayan ang relasyon nila.

“Kahit lagi kami magkasama, we just enjoyed our time together. It was four years.

“We were so young at the same time. When we got together, I was 17.”

SAM MILBY’S PAST RELATIONSHIPS

Sa showbiz, nakarelasyon ni Sam ang dating leading lady na si Anne Curtis. Tumagal ng apat na taon ang kanilang relasyon.

Tumagal naman ng dalawang taon ang relasyon niya sa model na si Mari Jasmin.

Huling nakarelasyon ni Sam si Miss Universe 2018 Catriona Gray.

Higit-kumulang tatlong taon silang magkasintahan nang maging engaged to be married sila. Naghiwalay sila bandang May 2024.

CARMI MARTIN

Naganap ang mediacon noong Huwebes, February 13, 2025, sa Seda Hotel sa Quezon City.

Nagpaunlak din ang ibang cast ng Everything About My Wife na magkuwento tungkol sa kanilang first love.

Lahad ni Carmi Martin: “Yung first boyfriend ko, official, we lasted for two years.

“Nagustuhan ko sa kanya matalino siya, malinis, tsaka talagang manly.

“Ayoko na sabihin sino kasi baka hanapin niyo sa Facebook!”

POLO LAUREL

Ang newbie actor na si Polo Laurel ay ibinahagi ang immaturity niya noong kabataan niya.

“Di ko sure kung puwede banggitin name niya kasi medyo private person siya,” tukoy ni Polo sa kanyang first love.

“It was way back 2014, and it was the kind of love that was a little bit obssessive.

“Medyo selfish kind of love na too much. Yung lagi mo inuuna sarili mo bago yung taong mahal mo.

“Siyempre that matures through time.”

REAL FLORIDO

Inalala rin ng Everything About My Wife director na si Real Florido ang kanyang first love.

Si Florido ang chief creative officer ng CreaZion Studios, isang independent film company na co-producer ng pelikula.

“Rule, we listen, we don’t charge,” pasakalye ni Florida.

Rebelasyon niya, “I fell in love with a girl. I discovered merong middle person, who is a lesbian. Naging sila ng lesbian.

“That’s the point na, ‘Ah, di talaga ako pambabae.”

Ang Everything About My Wife, na pinagbibidahan din ng mag-asawang Dennis Trillo at Jennylyn Mercado, ay ipapalabas sa mga sinehan simula February 26.

Co-produced ito ng CreaZion Studios at GMA Pictures.