Inamin ni Jennica Garcia na lumayo ang loob niya sa Diyos.

Ito ang ikinuwento niya sa isang panayam sa radio program na Banana Krew ng 92.3 FM Radio noong Feb 20, 2025.

Dito ay tinanong siya ng mga host na sina DJ Jhai Ho at DJ Kim Churva kung ano ang huli niyang nagawang pagkakamali na nais niyang itama.

“I rebeled against the Lord,” ang sagot ni Jennica, bago sabihing naitama na niya ang pagkakamaling ito noong nagsimula ang bagong taon.

Pagpapatuloy ng Saving Grace actress, “There was a season in my life that I was so mad at God talaga.

“Na-realize ko ngayon na nakapag-move na ako from it na naging self-righteous pala ako, Jhai.

“Parang sinasabi ko kay Lord na, saan, saang part ako nagkamali? I followed you to the dot, how could you do this to me?”

JENNICA GARCIA ON CHOOSING TO BE APART FROM GOD

Hindi sinabi ng Kapamilya actress ang dahilan ng kanyang galit.

Pero tila kinuwestiyon niya kung bakit dinaanan niya kung anumang problema o hirap na dinanas niya sa kabila ng aniya’y pagsunod niya sa Panginoon.

“Galit talaga ako, galit talaga ako kay God,” sabi pa ni Jennica.

“Kasi naalala ko pa, sabi ko pa kay Lord, ‘Watch me.’ Ginanon ko pa siya. ‘I’m following you, but you’re going to take my joy out of me? Now watch me. I’m gonna do something and this time around I’m think of myself and not put You first.’

Dahil daw sa galit niya sa Panginoon ay tumigil sa pagsisimba si Jennica.

“Nung eventually, nangyari na, andyan na yung consequence, andyan na yung damage, hindi na ako makabalik sa church, because of how I talked to God,” saad niya.

Dahil dito ay nailayo raw niya ang kanyang mga anak sa simbahan.

May dalawang anak na babae si Jennica sa ex-husband niyang si Alwyn Uytingco. Nagpakasal sila noong 2014 at naghiwalay noong 2021.

JENNICA GARCIA ON RENEWING HER FAITH IN GOD

Hindi naidetalye ni Jennica kung paano siya nagbalik-loob sa Diyos.

Pero ibinalita niya na iba ang pakiramdam niya ngayong nanumbalik ang kanyang pananampalataya.

“It’s just nice to be around fellow believers. It’s so nice to be back in church,” sabi ni Jennica.

Hindi na rin daw siya nahihiya ikuwento ang struggle niya sa kanyang pananampalataya.

“Ready ako. Dati kasi takot ako if people find out. Ngayon wala na.

“If people find out and they don’t like me for it, and it’s going to be the end of me, then it’s because I deserve it,” sabi ni Jennica.

Sa huli ay may magandang mensahe si Jennica.

“Lahat ng pagkakamali ay may pagkakataong maituwid. Ang mahahalaga, nagsisimula ka sa hakbang ngayon.”

Mapapanood si Jennica bilang kontrabida sa Saving Grace sa Kapamilya Channel at A2Z.