JERRY OLEA

MarJo ang tandem nina Marvin Agustin at Jolina Magdangal, na nag-reunion sa pelikulang Ex Ex Lovers.

May isa pa palang tambalang MarJo sa local showbiz — Mark Herras at Jojo Mendrez.

First week ng Pebrero 2025, isang linggo bago mag-Valentine’s Day, nasilayang magkasama sina Mark at Jojo sa isang casino, at natsismis na nag-check in sa room.

Nagpa-presscon kapagkuwan si Jojo noong Pebrero 18, 2025, Martes, sa Dapo restaurant, Sct. Borromeo St., Quezon City.

Iginiit ni Jojo na walang something sa pagitan nila ni Mark.

Habang inaawit ni Jojo ang “Nandito Lang Ako,” sumulpot si Mark, yumakap kay Jojo, at nagbigay ng pumpon ng bulaklak.

Ang paandar ng katotong Morly Alinio, “Mark Herras, lucky lover of Jojo Mendrez?”

MARK AND JOJO DUET

Finorward sa amin ni Morly ang duet nina Mark at Jojo ng “Somewhere in My Past” (1985).

Naunang kumanta si Jojo, “I met you just tonight but I keep wonderin’ why/ It seems I’ve always known you all my life

“I held you only once but I keep wonderin’ why/ It seems you’ve held me forever

“Can’t it be true, could I be wrong?/ That somewhere in my past I fell in love with you?”

Pagsalo ni Mark, “Can’t it be true, could I be wrong?/ That somewhere in my past there was also me and you

“I’ve kissed you only once but I keep wonderin’ why/ It seems I’ve kissed your lips so many times…”

MaNAY LOLIT REACTS TO MARK-JOJO RUMOR

Naniniwala ba ang ex-manager ni Mark na si Manay Lolit Solis sa pagkaka-link ng dating alaga sa singer-businessman na tinaguriang “Revival King”?

“Puwede! Naku, puwede, o!” bulalas ni Manay Lolit nitong Marso 1, Sabado ng hapon, sa Victorino’s restaurant, Sct. Rallos St., Quezon City.

Nakatsikahan namin si Manay Lolit matapos ang mediacon doon ni Senator Bong Revilla Jr.

Dagdag ni Manay Lolit, “Siguro, kung gagawin man yun ni Mark, baka talagang kailangang-kailangan na niya.

“Di ba? Saka basta matutulungan siya.”

Masaya ba siya para kay Mark?

“Bebe” raw ang tawag ni Jojo kay Mark?

Ayaw raw ni Jojo na magsayaw muli si Mark sa Apollo gaybar sa Baclaran?

Napabuntong-hininga ni Manay Lolit: “Well, siguro may kailangang-kailangan si Mark kung totoo nga yung sa kanila ni Jojo.

“Pero kung maibibigay naman ni Jojo yung kailangan ni Mark, why not? Oo. Ako, ano ako sa mga ano.

“Naiirita nga ako kay Bong, wala siyang ano, ‘no. Wala siyang naging experience sa bading, no!

“Hindi complete ang buhay ni Bong Revilla. Hindi siya nagdaan sa kamay ng bading.”

Ibinalita ni Morly na umabot na sa 50M views sa socmed platforms ang revival ni Jojo ng “Somewhere in My Past,” na ang original singer ay si Julie Vega (1968-1985).

GORGY RULA

Sinabi naman ni Mark Herras sa mga nakaraang interviews na wala siyang pakialam kung ano ang iniisip ng mga tao sa kanya.

Ang pinakamahalaga sa kanya ngayon ay kung paano niya buhayin ang kanyang pamilya sa maayos na paraan na wala siyang inaagrabyadong tao.

MARK AND WIFE NICOLE’S NEW HOUSE

Ina-update ni Mark sa kanyang YouTube na patapos na ang pinaayos niyang bahay na talagang personal nilang tinutukan ng asawa niyang si Nicole Donesa.

Dapat ay lilipat na sila, pero may inaayos lang na problema sa ilang finishing touches, kaya naantala ito.

Pero base sa malaki at magandang bahay na ipinakita nila, malaki pa talaga ang gagastusin ni Mark.

Mabuti at hindi siya nawawalan ng trabaho.

Ang dami niyang personal appearances sa mga probinsiya, may pa-basketball, at meron siyang sisimulang pelikula.

Kung anumang meron sa kanila ni Jojo, tiyak na malaki ang maitutulong ng “Revival King” sa kanya para na rin sa kanyang pamilya.

At mukhang nagkakaintindihan sila ng kanyang asawa.

Nabanggit nga sa akin ni Jojo ang ni-record na duet nila ni Mark.

Naisip ko, ang bongga ni Mark. Ngayon pa siya nakapag-record ng kanta na hindi niya nagawa noong kasikatan nila sa StarStruck.

Okay na rin yung pa-gimmick na sumulpot siya at nag-surprise sa media conference ni Jojo.

Pero thumbs down ako doon sa sulat na nakita raw ng waiter sa labas ng restaurant.

Hello! Kung totoo man yun, hindi na kailangang isulat ni Jojo yun.

Puwede niyang itawag o i-text man lang kay Mark. Hindi na kailangang isulat at ilaglag doon sa restaurant.

Parang hindi siya tugma, salungat sa logic. Kaya ayokong patulan ang ganoong gimmick.

Maganda ang MarJo tandem.

Maganda ang feedback sa mga kanta ni Jojo, ang daming nagagalingan sa kanya.

Muling lumakas si Mark at nai-invite siyang maging speaker sa mga eskuwelahan kagaya ng ginawa niya sa De La Salle Araneta University.

Kaya nakakatulong sila sa isa’t isa. Ituloy niyo lang iyan!

NOEL FERRER

Tinagurian si Jojo Mendrez bilang “Revival King” ng local movie industry dahil panay-panay ang pagre-remake niya ng OPM songs.

Maliban sa “Somewhere in My Past” ni Julie Vega, ni-revive din ni Jojo ang “Tuyo Na’ng Damdamin” ng Apo Hiking Society, “Magkabilang Mundo” ni Jireh Lim, at “Sana” at “Handog” ni Florante.

First original song ni Jojo ang “Nandito Lang Ako,” na komposisyon ni Jonathan Manalo.

Ire-revive din ni Jojo ang kantang “Tamis ng Unang Halik” (1986) na pinasikat ni Tina Paner.

Ang “Somewhere in My Past” at “Tamis ng Unang Halik” ay parehong komposisyon ni Doc Mon del Rosario.

Magdu-duet din kaya ang MarJo tandem ng Tamis ng “Unang Halik”?

“Isang saglit ng ubod tagal/ Unang halik ng iyong mahal/ Isang saglit lang nang matikman/ Isang saglit lang parang walang hanggan

“Yan ang iyong unang halik/ Kailan ba yon, kaytagal na/ Ngunit tamis naroon pa/ Tuwing ang mata’y mapipikit/ Bakit tamis kusang nagbabalik/ Kukupas pa ngunit hindi/ Ang alaala mo ng una mong halik

“Puso mo’y maghahanap/ Muli at muli kang magmamahal/ Lahat ay malilimot mo/ Ngunit hindi, ngunit hindi ang…

“Iyong unang halik/ Unang tibok ng pusong sabik/ Isang saglit lang nang matikman/ Isang saglit lang, parang walang hanggan…”