Binago ng Mexican telenovela na Marimar ang local TV landscape nang umere ito sa RPN-9 noong 1996.

Napakabilis ng pace ng love story nina Marimar Perez aka Bella Aldama (Thalia) at Sergio Santibañez (Eduardo Capetillo).

Patok sa mga Pinoy ang nagsasalitang aso na si Pulgoso.

METEOR GARDEN

Ang kasunod na banyagang drama series na kinahibangan ng Pinoy televiewers ay ang Taiwanese drama na Meteor Garden, na umere sa ABS-CBN umpisa Mayo 2003 ng hapon.

Love story ito ng dukhang si Shancai (Barbie Hsu) at anak-mayaman na si Daoming Si (Jerry Yan).

→ Swipe to see more articles

Related Posts

Eksklusibo: Ang Matamis na Puso ni Pau Fajardo kasama ang Kanyang Bagong Kasal na Asawa – Ang Taos-pusong Lihim sa Likod ng Keepsake Ring ng Kanilang Pag-ibig!

Dahilan sa likod ng paghihiwalay nina Kathryn Bernardo at Daniel Padilla; Kasama ba si Andrea Brillantes?

Barbie Hsu’s Farewell: Heartbroken Korean Husband Bumaba ng 7kg—Pero Bakit Masayang Kumanta Ang Kanyang Pamilya?!

OMG! MINSAN NANG NAIYAK si Marian Rivera dahil sa sobrang ganda? Marian Rivera speaks her mind, hindi raw madaling maging maganda

Isang Timeline ng Real Chemistry Off and On Screen nina Kim Chiu at Paulo Avelino

OMG! NORA AUNOR EXPOSES THE PEOPLE WHO RUINED HER LIFE—SHOCKING NAMES REVEALED, FANS IN TEARS OVER THE TRUTH! 😱😢

Ang pangalang “Shancai” ay nangangahulugang “weed.”

Sukal na damo. Nabubuhay kahit saan. Matibay. Kahit tinatapak-tapakan ay hindi basta-basta maluluray. Palaban sa mga pagsubok ng buhay.

Kasama ni Daoming Si sa grupong F4 (pinaikling Flower 4) ang mga anak-mayaman ding sina Huaze Lei (Vic Chou), Meizuo (Vanness Wu), at Ximen (Ken Chu).

Sa umpisa ay may gusto si Shancai sa tahimik at misteryosong si Huaze Lei, at nagngingitngit siya kay Daoming Si.

E, nahulog ang loob ni Daoming Si kay Shancai, at unti-unti ring natanto ni Shancai na si Daoming Si ang tunay niyang mahal.

Nakakakilig ang bardagulan noong una nina Shancai at Daoming Si na tila aso’t pusang mortal na magkaaway, pero sa bandang huli, “you-and-me-against-the-world” ang drama at handang mamatay para sa isa’t isa.

Sa finale episode ng Meteor Garden, nag-hunger strike si Daoming Si sa kanilang mansion dahil sa pagtutol ng kanyang ina sa pag-iibigan nila ni Shancai.

Makadurog-puso na tumayo si Shancai sa labas ng mansion, nakayuko, sinabayan ang pagpapakagutom ni Daoming Si.

Kahit bumuhos ang malakas na ulan ay nanatiling nakatayo si Shancai. Hindi natitinag.

Kung mawawala si Daoming Si, ano pa ang silbi ng kanyang buhay?

METEOR GARDEN FEVER

Ang Meteor Garden ang unang live-action TV adaptation ng Japanese manga series na Boys Over Flowers (Hana Yori Dango).

Noong Abril-Agosto 2001 ito umere sa Taiwan.

Hindi lang sa Pilipinas tinangkilik ang Meteor Garden kundi sa iba pang mga bansa sa Asya.

Noong 2003 na isinama ako ni Tito Douglas Quijano (talent manager na pumanaw noong Hunyo 2009) sa pagbabakasyon sa Bangkok, Thailand, nagulat kami dahil may mga nagkakagulo sa kasama naming si Antonio Aquitania.

Napagkamalan kasi ng ibang Thai na member ng F4 si Antonio!

Kaugnay sa Meteor Garden Fever, nag-concert sina Barbie, Ken, at Vaness noong Setyembre 12, 2003 sa indoor arena ng ULTRA (PhilSports Arena na ngayon).

Nobyembre 6, 2003 bumisita si Jerry.

Para ba ito sa Bench?

Nagkaroon ng supplementary mini-series na Meteor Rain.

Tatlong stand-alone episode ito kung saan bida sa kani-kanyang episode sina Jerry, Ken, at Vanness.

Waley sa mga ito sina Barbie at Vic.

METEOR GARDEN II

Ang sequel na Meteor Garden II ay pagpapatuloy ng love story nina Shancai at Daoming Si matapos silang grumadweyt sa Yingde University.

Nagka-amnesia si Daoming Si nang maaksidente sa Barcelona, Spain. Pumagitan sa kanila si Ye Sha.

Kung sa Meteor Garden ay si Daoming Si ang habol nang habol kay Shancai, nabaligtad naman sa sequel.

Memorable scene din sa Meteor Garden iyong humahabol si Daoming Si sa bus na nakasakay si Shancai.

Sa Sequel ay si Shancai naman ang humabol sa bus na sinakyan ni Daoming Si.

Mas ginastusan ang Meteor Garden II.

Mas angat ang technical aspects partikular ang cinematography at production design, pero mas may kurot at haplos iyong naunang Meteor Garden.

Kung hindi ako nagkakamali, ang usong cellphone noong 2003 ay Nokia 3210, na wala pang camera.

Ang smartphone na iPhone ay 2007 lumabas.

Hindi pa uso ang social media noong 2003.

Website pa lamang noon ang Friendster, at 2011 pa ito inilunsad bilang social gaming platform.

Hindi pa rin uso noon ang streaming.

May mga pirated CD, VCD at DVD na noon sa Quiapo, pero hindi agad nagkalat ang VCD at DVD ng mga serye.

Nakakita ako ng mga VCD ng Meteor Garden, Meteor Rain, at Meteor Garden II ay sa Tutuban Center sa Divisoria.

May mga CD at magasin din doon tampok ang F4 at Meteor Garden.

METEOR GARDEN CAST MEMEBRS’ REAL AGE REVEALED

Sa istorya ng Meteor Garden ay college students si Shancai at ang F4.

Noong Abril 2001 na umere ang Meteor Garden sa Taiwan ay 24-anyos na sina Barbie at Jerry, 22-anyos sina Vanness at Ken, at 19 anyos si Vic.

Halos tatlong buwan ang tanda ni Barbie kay Jerry.

May mga pumuna man na “matanda” na sina Barbie at Jerry para sa kani-kanyang role sa Meteor Garden, how can you argue with success?

Phenomenal ang Meteor Garden, na ipinalabas noong 2001 na 24-anyos si Barbie.

Iyon pala ang kalahatian ng kanyang buhay.

Pagkalipas ng 24 taon…. ngayong 2025 na 48-anyos na siya, papanaw na pala siya?

Nakakalumbay, nakakagulantang.

Magre-reunion kaya ang F4 sa funeral ni Barbie?

NOEL FERRER

I had to ask my doctor-friends kung ano ba ang nangyayari sa flu sa Japan? Bakit ganoon, nakakamatay?

Ang sagot: ibang klaseng strain daw kasi ang meron ngayon and the Japan weather also contributes to making it worse.

Hindi ba tulad dito na likas na mainit kaya napapatay ang virus?

Ewan ko ba… pero nakakalungkot ang balitang pumanaw si Barbie Hsu dahil sa flu habang nagbabakasyon sa Japan.

Tuloy, ang dami na ngayong nagpapa-book ng flu vaccine.

Hayyy naku, pangalagaan ang kalusugan talaga!!!

GORGY RULA

Naka-relate ang mga Pinoy televiewers sa trials and tribulations ni Shancai sa Meteor Garden, kaya andaming nalungkot sa pagpanaw ni Barbie Hsu.

Nire-repost tuloy ang video clips sa 2003 concert ni Barbie sa bansa kung saan isinigaw niya, “Mahal ko kayo, Philippines!”

Mahal ka rin ng mga Pinoy, Barbie!