Halata sa social posts nina Alexa Ilacad at KD Estrada ang sweetness nila. Bakas din ang closeness na ito sa kanilang body language.

Sa katunayan ay hindi itinago ng kilalang Kapamilya loveteam, na may bansag na KDLex, kung gaano sila ka-sweet sa isang recent film festival grand launch.

Kumportable ang dalawa sa pagho-holding hands sa gitna ng maraming attendees.

Ayon kay Alexa, nagpapakatotoo sila si KD sa isa’t isa, pero hindi nila kailangang isapubliko ang tunay na estado ng kanilang relasyon.

“What you see is what you get,” pareho nilang sagot nang tanungin kung ano ang real score sa kanila.

→ Swipe to see more articles

Related Posts

SH0CKING! 😱 Isinugod sa ospital si Ivana Alawi – kumakalam ang kanyang tiyan na parang buntis! 🚨 5 doktor na nakikipaglaban para iligtas siya! Ano ba talaga ang nangyari?

OMG! Inihayag ni Dimples Romana ang Katotohanan Tungkol sa Kanyang Pagkakaibigan sa A-List Superstars – It’s Not What You Think!

Si Julia Montes ba ay Lihim na Naglulunsad ng Kanyang Sariling Restaurant? Hindi Mababalewala ng Mga Tagahanga ang Mga Clue na Ito!

OMG! Nagsalita na si Sanya Lopez! Si Barbie Forteza ba ay may kasalanan sa panloloko kay Jak Roberto?

Reveal: The Heart-Melting Words PJ Reblora Shared with Pau Fajardo at Their Fairy Tale Wedding!”

H0T H0T H0T: Why Coco Martin was “masungit” to Julia Montes? Nagkakaproblema ba sila?

Kabilang ang KDLex sa dumalo sa Puregold CinePanalo Film Festival 2025 grand media launch noong January 24, 2025.

Bida sina Alex at KD sa filmfest entry na Co-Love, kasama rin sina Kira Balinger at Jameson Blake.

Ito rin ang kauna-unahan nilang pelikulang magkasama bagamat ilan taon na silang magkapareha sa showbiz projects sa kinabibilangang network.

KDLEX ON REAL SCORE

May mga pagkakataong na-interview nang hiwalay at magkasama ang dalawa, subalit hindi nila inamin ang tunay na estado ng kanilang relasyon.

Paliwanag ni Alexa, “To be completely honest, I don’t think announcing labels are so important.

“There are some things we would like to keep to ourselves because what others won’t know won’t hurt us, if that makes sense. What they don’t know won’t hurt us.

“But we show our true selves naman. But we don’t think we have to announce.”

Sundot na tanong ng PEP.ph (Philippine Entertainment Portal) kung pinag-usapan nila ni KD na maging pribado sila pagdating sa kanilang relationship.

Ayon sa aktres, “Kasi we’ve been asked naman many times. It’s not really something na, ‘Let’s sit down,’ conversation kami.

“Pero with our personalities, napagkasunduan naman namin.”

Mahihinuhang nais tukuyin ni Alexa na pareho nilang prefer ni KD na magkaroon ng privacy.

Ayaw ba nilang ipaalam sa kanilang supporters ang real score sa kanila?

“I think somehow we owe it to them to be truthful in our actions [and] what we choose to show other people. But we also have boundaries,” sagot ni Alexa.

ALEXA ON KD AS CO-STAR

Hindi naman maitago ni Alexa ang pagiging proud kay KD na nag-mature daw as an actor. Hindi kaila na nagsimula si Alexa bilang child star.

Saad niya, “Working with KD, I’m very proud of him kasi nakita ko kung gaano siya kaseryoso sa ginagawa niya. So I just let him be.

“Inaalalayan ko lang siya pag kailangan niya [ng support]. Overall, it’s been a fun experience.”

Sa panig naman ni KD, mas kumpiyansa raw siya ngayon pagdating sa chemistry nila ni Alexa.

Ayon sa Kapamilya star, “Mas malakas na ang chemistry namin onscreen, ni Alexa.

“Siyempre, pag kilala mo yung tao, naka-work mo siya ng ilang beses, mahahasa na po yan and it’s gonna improve.”

Mas pabor naman daw para kay Alexa na may “personal relationship” siya sa kanyang leading man.

Aniya, “I think it’s an advantage, of course. Because you’ll be inspired to go to work, and you have a lot of fun, extra fun, going to work, when there’s someone who inspires you.”

Sa follow-up question kung may disadvantage ito, sagot ni Alexa, “I haven’t really felt any disadvantage.”

Puregold CinePanalo Film Fest 2025

Isa ang Co-Love ng KDLex sa walong full-length movies na kasali sa 2025 Puregold CinePanalo.

Dumalo rin sa grand launch ang iba pang artistang may entry sa filmfest.

Dumating si JC Santos na bida sa pelikulang Journeyman, kunsaan leading lady niya si Jasmine Curtis-Smith.

Nasa event din si Romnick Sarmienta at child star na si Xander Nuda para sa pelikulang Olsen’s Day.

Nasa grand launch din si Allen Dizon na bida sa Salum Salum.

Dalawa naman ang entries ang seasoned actress na si Ruby Ruiz — Sepak Takraw at Tigkiliwi.

Ang entry na Fleeting ay pinagbibidahan naman nina Janella Salvador at RK Bagatsing.

Ang nag-iisang entry na documentary ay may titulong Food Delivery: Fresh from the West Philippine Sea.

Tungkol ito sa kabayanihan ng mga Pilipinong mangingisda, Philippine Coast Guard, at ng Navy para maghatid ng pagkain sa mga komunidad na higit na nangangailangan, habang pinoprotektahan ang kanilang ikinabubuhay at sovereignity ng pinag-aawayang West Philippine Sea.

Ipinakilala rin sa grand launch ang 24 student directors na may entries para sa student short-film category.

Gaganapin ang screening ng entries ng 2025 Puregold CinePanalo sa Gateway Cineplex 18 mula March 14-25, 2025.