Inamin ng beteranong aktor na si Robin Padilla na naghiwalay na ang kaniyang anak na si Kylie Padilla at asawa nitong si Aljur Abrenica dahil umano sa pambababae ng aktor.

Sa vlog ng talent manager at artista na si Ogie Diaz, ikinuwento ni Padilla na si Kylie mismo ang nakipaghiwalay sa asawa nito.

“Noon pa lagi kong tinatanong si Kylie, ‘Agrabyado ka ba? Hindi naman daw. ‘Okay lang ako pa.’ Eto, tinanong ko uli, ‘Anak, agrabyado ka ba?’ ‘Hindi, Pa, ako ang nakipaghiwalay, e,’” saad ni Robin.

Pahayag pa ng action star, third party umano ang dahilan ng hiwalayan ng dalawa, bagay na nauunawaan niya bilang isang lalaki lalo pa’t makailang ulit na rin umano siyang nangaliwa noon.

“Meron daw, e. E, imposible ba ‘yun? Hindi naman imposible ‘yan. E, lalaki ‘yan,” ani Robin. “Hindi ‘yan pwedeng hindi mangyari. Kalokohan ang hindi mangyari [ang third party issue] lalo at nasa showbiz tayo.”

Dagdag pa nito, hindi umano siya naniniwala na may lalaking kayang tumanggi sa tukso ng pambababae.

Bagamat ipinaliwanag kay Kylie ang kaniyang opinyon, hindi umano kaya ng anak ang pagtataksil ni Aljur kaya hindi na ito nanghimasok pa.

→ Swipe to see more articles

Related Posts

Marian Rivera never skits these parenting duties in the morning – At hindi ka maniniwala kung ano ito!

BREAKING: Malapit nang matapos ang Seremonya ng Paglilibing kay Barbie Hsu – Haharapin ba ni Wang Xiaofei ang Kanyang Ex-Mother-in-Law?”

Sh0cking News: Wind and Waves Are Back! Maricar Reyes Shocked By Exposing The Dark Truth Behind The Video With Hayden Kho!

SH0CKING Revelations: Filipino Singer Jake Zyrus Isiniwalat ang Masakit na Pang-aabuso ng Inang si Raquel Pempengco sa Bagong Tell-All Book!

BREAKING NEWS: Ang hinihinalang huling imahe ni Barbie Hsu ay lumabas bago siya pumanaw!!!

Nakakagulat na Sandali! Vic, Tito, at Maru Sotto’s Heartwarming Surprise for Val Sotto’s 80th Birthday Will Leave You in Tears!

“Kaya lang, hindi na uso mga martir ngayon. Tanggapin natin, wala na tayo dun. ‘Yun ang unang-unang sinabi ko kay Kylie nung nag-usap kami. ‘Lalaki iyang asawa mo. Pasalamat ka nga, alam mong lalaki.’ E, wala, hindi raw niya kaya,” kuwento ni Padilla.

Sa kabila nang nangyari, wala ring balak si Robin na makialam sa gusot ng mag-asawa dahil sila lamang umano ang makakaayos nito.

“Wala naman papel ang tatay dun. Ako, ha, hindi ka dapat makialam. Away ng mag-asawa ‘yan. May mga anak pa. Masakit sa akin, siyempre, sa akin ang remembrance, e. ‘Yung mga apo nasa nanay. Pero hindi issue sa akin ‘yun,” paliwanag ni Robin.

“Dalawa lang ang pwede mag-ayos niyan, si Kylie lang at si Aljur. Sa akin ha, opinyon ko, baduy sa ‘kin ‘yun. ‘Pag nilapitan mo ko ng ganyan, titingnan lang kita.”

Hindi rin siya papayag sakaling kausapin ng anak upang pagsabihan si Abrenica sa ginawa nito. Ayon kay Robin, mapapahiya lamang siya lalo na kung ibabalik sa kaniya ni Abrenica ang isyu ng pambababae.

“Ay, hindi rin ako papayag pag sinabi ni Kylie. Ano sasabihin ko kay Aljur? ‘G*go ka! Ba’t ka nambabae?’ Sasabihin sa akin ni Aljur, ‘Bakit kayo, Pa, hindi ba kayo nambabae?’ Ayoko masagot nun. Ayoko. Mapapahiya ako,” natatawang saad nito.

Ngunit sinabihan naman niya ang aktor na iwasan ang magparinigan sa social media dahil balang araw makikita ito ng kanilang mga anak.

“Minessage ko lang siya. Sabi ko, ‘Isa lang ang gusto ko. Tumigil kayo sa social media. Nakakahiya ‘yan. Wala akong ano diyan. Problema niyo ‘yan. Isipin niyo mga anak niyo,’” tugon ni Robin.

“Sa akin, ang dalawang mag-asawa na hindi na nagkasundo, hindi kayo dapat maghiwalay na magkaaway. Bakit? Nagmahalan naman kayo. Nasarapan naman kayo pareho. Anong dahilan? Dahil nagtaksil yung isa? Tao ka, mangyayari at mangyayari ‘yan.”

Nilinaw din nito na walang pisikal na sakitang nangyari sa dalawa, bagay na hindi niya palalampasin kung malaman na pinagbuhatan ng kamay ni Abrenica si Kylie.

“Siyempre, ang mga unang tanong ko, ‘Sinaktan ka ba?’ ‘Yun ang unang tanong. Dun lang tayo papasok, kapag nasaktan ang anak mo. Wala naman. Mabait naman din si Aljur,” pahayag ni Robin.

Umaasa itong maaayos pa ng dalawa ang kanilang relasyon dahil naniniwala itong mayroon pa ring pagmamahal ang mga ito sa isa’t isa.

Naging matunog ang isyu ng hiwalayan umano nina Kylie at Abrenica noong Pebrero matapos ang tila mga pasaring ng aktres sa kaniyang social media account. Sinundan pa ito ng larawan ni Kylie na walang suot na wedding ring.

Ikinasal noon Disyembre 2018 ang dalawa at mayroong dalawang anak na sina Alas Joaquin at Axl Romeo.