Sa exclusive interview ng 24 Oras na umere ngayong Miyerkules ng gabi, February 19, 2025, tila isang maamong tupa na sinabi ni Jam na pinagsisisihan nito ang pananakit kay Jellie.

Kasunod nito ang paghingi ng tawad ni Jam kay Jellie at sa mga kaanak at kaibigan nito.

Aniya: “Sa mga kapatid, sa mga kaibigan, ito, dito ako, haharap sa inyo.

“Humaharap na humihingi ng taus-puso na sorry, sorry, sobrang sorry.

“Lalo na sa mommy ni Jellie. Ma, sorry, Ma. Alam niyo yan na mahal na mahal ko si Jellie.”

Jam Ignacio appeared on 24 Oras for an exclusive interview earlier tonight, February 19, 2025.

WHAT TRIGGERED JAM TO HURT JELLIE

Ayon kay Jam, ang pambubugbog niya kay Jellie ay nagsimula sa hindi nila pagkakaunawaan at nahaluan pa umano ng pagod.

Sabi niya: “Sa simpleng hindi pagkakaunawaan and siguro, may halo na rin sigurong pagod sa maghapon na lakad namin.

“E, kumbaga, tao lang din siguro ako… baka napuno lang din siguro ako.

“Na hindi ko sinasabi na tama, pero hindi ko… hindi ko para i-tolerate na gawin ulit.

“Humihingi ako ng tawad, pasensiya na talaga. Sorry, sorry, sorry sa lahat.”

Pinaalala pa ni Jam kay Jellie ang magandang samahan nila bago nangyari ang insidente, na nag-iwan ng pasa at sugat sa mukha at katawan ni Jellie.

Aniya: “Hon, alam mo yan kung gaano kita kamahal.

“Alam mo yan kung gaano kita protektahan, bantayan.

“Sa lahat ng ginagawa mo, lagi ako nakasuporta sa yo.

“Sa lahat ng gusto mong gawin sa buhay, nakasuporta ako palagi sa yo.

“Sorry sa mga nangyari.”

JAM STILL WANTS TO CONTINUE HIS WEDDING TO JELLIE

Nangako rin si Jam kay Jellie na hindi na mauulit ang nangyari.

Mensahe niya: “Pinapangako ko sa yo na hindi na mauulit to.

“Ngunit sana, bigyan mo ng pagkakataon na ayusin natin tong pareho nang pribado, na sa ating dalawa.

“Alam ko naman na… alam mo din na mahal natin ang isa’t isa.

“Madami tayong gustong gawin, pangarap na sana maayos natin at matupad natin.

“Yan lang naman sana. Mahal na mahal kita.”

Gusto pa rin daw ni Jam na matuloy ang binabalak nilang kasal.

Sabi niya: “Alam mo na gusto ko ikaw na yung makasama ko talaga.

“Alam mo yan na may plano tayo na bumuo ng pamilya.

“Tuparin natin, hon, nagmamakaawa ko sa yo.

“Sana ayusin natin to.”

Paulit-ulit ding muling humingi ng patawad si Jam.

Aniya pa, “Hindi na mauulit. Pangako ko yan sa yo.”

Wala pang reaksiyon si Jellie tungkol sa pahayag ni Jam.

Noong mismong Vaentine’s day, February 14, 2025, pormal na naghain ng reklamo si Jellie sa National Bureau of Investigation (NBI) dahil sa pambubugbog ni Jam sa kanya.