Sa South Korean DJ-producer na si Koo Jun Yup, o mas kilala bilang DJ Koo, at sa dalawang anak ni Barbie Hsu mapupunta ang lahat ng yaman at ari-ariang naiwan ng namayapang Taiwanese actress.

Ayon sa ilang Taiwan media sites, kumpirmadong kasama si DJ Koo sa magmamana sa multimillion-dollar fortune ng Meteor Garden actress, kahit una pa lang ay tinanggihan na raw ito ni DJ Koo.

Kung susumahin, 600 million yuan o katumbas ng PHP4.7 billion ang total estate na paghahatian ni DJ Koo, at ng 10-year-old daughter at 8-year-old son ni Barbie.

Ngunit dahil parehong minors ang dalawang anak ni Barbie, ang biological father nilang si Wang Xiaofei ang magma-manage nito hanggang sumapit ang husto nilang gulang.

Kay Xiaofei rin ipinagkaloob ang custody ng mga anak nila ni Barbie.

Ang Chinese businessman na si Wang Xiaofei ay dating asawa ni Barbie.

Na-finalize ang divorce nina Barbie at Xiaofei noong 2021.

Ikinasal naman sina Barbie at DJ Koo noong 2022.

DJ KOO WANTS TO TURN OVER BARBIE HSU ASSETS TO MOTHER-IN-LAW

Noong February 6, 2025, nauna nang nagsalita si DJ Koo tungkol sa naiwang ari-arian ng asawa niyang si Barbie.

Ito’y matapos niyang ipagtapat na nagkaroon sila ng premarital agreement ni Barbie.

Ang prenup agreement ay kasunduan ng mag-asawa para pangalagaan ang kani-kanilang properties at assets.

Isang advantage nito ay mapapangalagaan ang properties ng babae at lalaki kung sakaling magdesisyon silang maghiwalay.

Ngunit sa kabila ng pag-amin ni DJ Koo, napag-alamang hindi pala notaryado ang prenup agreement nila ng aktres.

Ibig sabihin, maaari itong ikonsidera ng korte na invalid at mapawalang-bisa ang kanilang napagkasunduan.

Iyon ang unang beses nagsalita ni DJ Koo mula nang maiulat ang pagpanaw ni Barbie noong February 2, sa edad na 48.

Sa ulat ng Mirror Media, tumanggap umano si Barbie ng $19M mula sa hatian ng total assets nila ng ex-husband na si Xiaofei.

Dagdag pa rito ang ulat ng Sohu na, diumano, may iniwang 720-square-meter villa si Xiaofei para sa dalawang anak nila ni Barbie.

Ayon kay DJ Koo, hindi niya kayang palampasin ang paninira sa kanyang pamilya gawa ng mga isyung may kinalaman sa pera.

Magkahalong Korean at Chinese ang mensahe niya sa Instagram, na naisalin sa wikang Ingles base sa Google Translate.

Tinawag ni DJ Koo si Barbie na “Seo Hee-won” na Korean name ng aktres.

Pahayag ni DJ Koo: “On February 2, 2025, my angel returned to heaven.

“First, I would like to express my deep gratitude to all those who mourned Heewon.

“I am currently going through a time of indescribable sorrow and pain, and a time of heartbreaking pain.

“I had no strength to say anything, and I did not want to say anything.

“But even before the pain of great loss and the time of mourning passed, devilish people began to slander our family and my love.

“Some people pretend to be sad and walk around in the rain, and others try to hurt our family by creating fake news about insurance and expenses.

“I am afraid that such evil people really exist in the world.”

Kinondena rin ni DJ Koo na hindi niya kailanman pakikialaman ang ari-arian at yamang naiwan ng yumaong maybahay.

Plano raw niyang ibigay ang lahat ng pinaghirapang assets ni Barbie sa ina ng asawa.

Ani DJ Koo: “Please, can you not just stay still so that Heewon can rest in peace? Please, I beg you.

“And I will tell you about the precious legacy Heewon left behind.

“All of that legacy was saved through the sweat and tears of Hee-won while she was alive to protect her beloved family, so I plan to give all authority over me to my mother-in-law.

“I plan to take legal action through a lawyer to protect my children until they become adults so that bad people cannot touch them.”

Ayon sa mga ulat, base sa pahayag ng legal experts sa Taiwan, kahit gustuhin ni DJ Koo na hindi kunin ang mamanahin niya kay Barbie at ilipat ito sa magulang ng aktres, hindi ito pahihintulutan ng korte.

Kung sakaling ayaw raw talagang tanggapin ni DJ Koo ang kanyang parte ay walang ibang mapagbibigyan nito kundi ang mga anak ni Barbie.