Isay Sampiano: “Alamin muna ang totoo bago maniwala sa tsismis. Godbless.”

Isay Sampiano appeals to netizens not to believe in tsismis

Isay Sampiano (left photo, with new parter of Buboy Villar), appeals to netizens: ‘Alamin muna ang totoo bago maniwala sa tsismis.” Isay posted this message after PEP’s interview with Angillyn Gorens, Buboy’s ex-partner, came out.

PHOTO/S: Courtesy: Instagram
Idinaan ni Isay Sampiano sa TikTok ang kanyang reaksiyon tungkol sa mainit na isyu na kinasasangkutan nila ng partner na si Buboy Villar at ng ex-partner ng aktor na si Angillyn Gorens.

Sa kanyang TikTok account kahapon, March 24, 2025, ibinahagi ni Isay ang isang popular quote tungkol sa kagandahan ng pagiging pribado at ang paglaban sa temptasyong isapubliko ang mga kaganapan sa buhay ng isang tao sa social media.

Buong nakalagay sa quote: “There’s beauty in privacy. Read that again.

“Resist the temptation to publicize your life on social media.

“Everything isn’t meant to be on display. Keep things away from the public eye which can easily turn into the evil eye.

“People can’t destroy what they don’t know.”

Makahulugang caption ni Isay rito: “ps. Alamin muna ang totoo bago maniwala sa tsismis. Godbless”

Isay Sampiano posts on TikTok

IS THIS ISAY’S ANSWER TO ANGILLYN’S REVELATIONS?

Hindi direktang tinukoy ni Isay kung sino ang pinatutungkulan niya sa kanyang post.

Pero ang post niya ay tumaon sa lumabas na exclusive interview ng PEP.ph (Philippine Entertainment Portal) kay Angillyn tungkol sa bagong pamilya ni Buboy.

Bahagi ng pahayag ni Angillyn: “We don’t have a problem with them having a baby, but we have a problem with the lack of accountability [from] Buboy for my kids after he had his baby with his new partner.

“Nabawasan yung sustento. Dati naman okay siya magsustento para sa dalawang anak namin.

“Pero yun nga lang, hindi talaga kasya ang sustentong binibigay niya ngayon gawa ng parehas yung mga anak namin nag-aaral na, at private school.

“And they both have yayas gawa ng sobrang tanda na ng magulang ko, nasa 70s na sila.”

Samantala, sina Buboy at Angillyn ay may dalawang anak — sina Vlanz Karollyn, 7, at George Michael, 5.

Binatikos din ng kapatid ni Angillyn na si Veybillyn Gorens si Buboy ukol sa pagiging ama nito sa dalawang pamangkin niya.

Isiniwalat ni Veybillyn na bago ang pagbisita nina Buboy at Isay sa mga anak ng aktor kay Angillyn kamakailan, isang buwan umanong hindi dumalaw si Buboy.

Sabi ni Veybillyn (published as is): “1 month nyo hindi dinalaw ung mga bata tapos kahapon dinalaw nyo? hahahaha. kasi????

“ganyan kayo kakups hindi nyo naaalala yung mga batang wala na nga yung nanay sa Pilipinas ikaw na nga lang anjan DAPAT para saknila TAPOS SASABIHIN NYO INSECURE YUNG NANAY?!

“KAHIT AKO NANAY NYAN MABABADTRIP AKO SA INYO

“porke may bagong baby KINAKALIMUTAN NYO!?

“ako ngang tita 2 times A WEEK KO PINUPUNTAHAN MGA ANAK NYO.”

Nagsimulang maging laman ng balita muli sina Angillyn at Buboy nang isapubliko ng Kapuso comedian ang pagkakaroon niya ng three-month-old son sa bago niyang partner na si Isay.

Kasabay ng pagdiriwang ng 27th birthday ni Buboy ang pagpapakilala niya kay Isay at sa kanilang anak.