Matindi ang mga bagong rebelasyon si Angillyn Gorens tungkol sa dati niyang partner na si Buboy Villar.

Ngayong Miyerkules, March 26, 2025, isang mahabang post ang ibinahagi ni Angillyn sa kanyang Facebook account kung saan idinetalye niya ang mga sinapit niya noong sila pa ng Kapuso comedian.

Tumagal ng apat na taon ang relasyon nina Angillyn at Buboy. Nagdesisyon silang maghiwalay noong 2020.

May dalawa silang anak—sina Vlanz Karollyn, 7, at George Michael, 5.

Bago ito, nauna nang naghayag ng kanyang saloobin si Angillyn sa exclusive interview ng PEP.ph (Philippine Entertainment Portal) na nailathala noong Lunes, March 24.

Dito ay sinabi ni Angillyn na nabawasan ang sustento ni Buboy sa kanilang anak mula nang magkaanak ang aktor sa bago nitong kinakasama na si Isay Sampiano.

Pinabulaanan din ni Angillyn ang pahayag ni Buboy sa mga interview na siya ang nag-aalaga sa mga anak nila, habang nagtatrabaho sa Amerika ang dating partner.

Panimula ni Angillyn sa kanyang Facebook post ngayong araw: “The reason why I am speaking and BAKIT NGAYON LANG?”

Kasunod nito ang pagdedetalye niya sa mga rason kung bakit nagsasalita siya makalipas ang limang taon mula nang maghiwalay sila ni Buboy.

ANGILLY CLAIMS SHE WAS A VICTIM OF PHYSICAL ABUSE

Sa kanyang mahabang post ay sinagot ni Angillyn ang paratang na iniwan umano niya si Buboy dahil mahirap lamang ito.

Ayon kay Angillyn, ang dahilan ng kanyang pagkalas kay Buboy ay dahil nakaranas umano siya ng physical, verbal, at emotional abuse noong nagsasama pa sila.

Pahayag niya (published as is): “SA MGA NAG SASABING INIWAN KO DAW SI BUBOY DAHIL MAHIRAP LANG SIYA?

“kahit kelan hindi ko siya iniwan kahit hindi na nyako napapakain nung mga araw na nag papadede ako kay vlanz

“sinamahan ko siya sa hirap kahit kapatid ko na mismo bumibili ng food namin nuon sinamahan ko parin siya dahil mahal ko siya

“binayaran ng mama ko upa namin ng isang taon tinulungan namin si buboy makabangon dahil mahal ko si buboy nuon at wala nako ibang ginusto mangyari kundi maging buo palagi

“pero pano naman ako?”

Kasunod nito ay idinetalye ni Angillyn ang mga pang-aabusong naranasan umano niya noon mula kay Buboy.

Lahad ni Angillyn: “sinasaktan niya ako konting away lang mananakit na dahil alam niyang hindi ako nagsusumbong sa mga magulang ko

“gabi gabi uniinom at pag uwi MAOY tapos ending puro nanaman pananakit at pagmumura sakin sa harap ng 1 year old..

(Ed’s Note: Ang “maoy” ay salitang Bisaya na ang ibig sabihin ay ang paglalabas ng isang taong nakainom ng kanyang sama ng loob.)

“BINANGGA nya yung kotse namin sa araw mismo ng birthday ni vlanz dahil nagtatalo kami ANDUN ANAK KO PERO NAGAWA NIYA YUN

“at walang katapusang panloloko. ilang beses niya ako niloko ng paulit ulit

“pero ano ang ginawa ko? pinatawad ko at umasang baka sakaling mag bago.. pero hanggang huli hindi parin siya nag bago

“wala nakong choice kundi iwan dahil napapagod nakong lokohin napapagod nakong saktan physical…”

Sabi pa ni Angillyn: “sinakal nya ko habang nagpapadede ng anak kong babae ng dahil nadedepress ako WALA AKONG KAIN UMIIYAK AKO

“NAG STAY PA RIN AKO ayokong lumake anak ko na may trauma ng dahil sa ama niya.. buntis ako kay george iniwan ko na siya dahil ayokong makita ng lalaki naming anak na pwedi manakit ng babae..

“HABANG TUMATAGAL LUMALALA PAGIGING VIOLENT NIYA

“masakit mang iwan siya pero kailangan kong gawin dahil baka mapatay nalang niya ako dati.. grabe siya magalit at mag inom..

“maski step father ni Buboy pinagbuhatan ako ng kamay at ipapakulong na sana pero dahil parin sa pagmamahal ko kay buboy inatras namin.”

Kalakip ng kanyang post ang ilang screenshots na nagpapakita ng mga pasa niya sa katawan bunsod umano ng pananakit ni Buboy sa kanya.

ANGILLYN ON BEING TARGETED BY BASHERS

Nagdesisyon daw magsalita si Angillyn dahil hinayaan daw ni Buboy na i-bash siya at ang kanyang pamilya matapos ilantad ng aktor sa publiko ang pagkakaroon niya ng bagong partner at mayroon na silang three-month-old baby.

Himutok ni Angillyn: (published as is), “i’ve always told him na ayokong macompare wag niya hayaan na mabash ako at ang family ko kasi wala akong nagawang mali sakanya nuon hanggang ngayon pero nung nag reveal siya maraming negative comments about sakin at family ko…

“to the point na kino-compare family ng gf nya sa family ko and ako na never nag cheat andami kong hate na natatanggap.

“HINAYAAN NIYA YUN KAHIT NANAHIMIK AKO MAY BASH PARIN SAKIN.

“edi ilabas ko nalang yung totoo kasi nakakasawang mabuhay ng mabuti siyang tao habang kami masama at higit sa lahat hindi niya kami ipagtanggol.”

Ipinaliwanag din ni Angillyn kung “BAKIT BA AKO NAGAGALIT”

Nababastos daw kasi siya at ang mga anak nila ni Buboy.

Pinapalabas daw kasi ni Buboy na ito ang nag-aalaga sa kanilang mga anak gayong nasa poder ng kanyang mga magulang ang mga bata.

Si Angillyn ay nakabase sa Amerika dahil doon siya nagtatrabaho.

Saad ni Angillyn: “ilang beses na nila ako binastos at hindi nirerespeto maski ang anak ko.. ilang beses ko na sila kinausap para sana maging maayos pero hanggang huli hindi parin nila ako pinakinggan.

“kung makikita niyo mga interview ni Buboy sa GMA palagi niya sinasabi na nirerespeto niya ako at mahal niya daw mga anak namin..

“ayoko na magamit ang mga anak ko para sa ikakalinis ng pangalan niya. pinapalabas niya palagi na siya ang nag aalaga na kahit bihirang bihira niya lang mapuntahan mga anak namin..

“kaya nga halos lahat ng comments ‘si buboy daw nag aalaga’ kasi yun ang pinalabas nya sa media”

Diin ni Angillyn: “never niya naalagaan mga anak namin ng isang linggo laging isang araw lang at bilang lang sa daliri sa buong taon.”

ANGILLYN ON BUBOY’S NEW GIRLFRIEND

May komento rin si Angillyn tungkol sa bagong partner ni Buboy na si Isay Sampiano.

Kahit noong hindi pa ipinakikilala sa kanya si Isay, nagkukuwento na raw sa kanya ang mga anak nila ni Buboy tungkol sa bagong karelasyon ng kanilang ama.

Lahad ni Angillyn (published as is): “sa gf naman ni buboy.. hindi pa pinapakilala ni buboy samin yung gf nya nag susumbong na anak namin na naghahalikan daw sila sa harap nila at magkatabi sa kama

“gusto sana ng anak naming babae na katabi ang papa niya pero imbis na ganon sa floor nila pinatulog mga bata katabi ng yaya

“ILANG BESES NAULIT kahit naman siguro sinong nanay MAGAGALIT.

“kinausap ko na sila about jan paulit ulit pero hindi parin yun nasunod

“minsan na nga lang kitain yung bata ganon pa ginagawa pwedi naman ipabukas yung harutan pag wala na yung mga bata sakanila.

“siguro kahit sinong nanay magagalit at higit sa lahat bawal yun gawin sa harap ng mga bata lalo at 7 years old na si vlanz may utak na at hindi dapat nya nakikita yung ganong bagay..

“GALIT AKO MALAMANG. RESPETO lang sana sa mga anak ko.”

Pinagsabihan na rin daw niya si Buboy na huwag gamitin ang kanilang mga anak sa vlogs ng aktor.

Pagpapatuloy ni Angillyn: “pinag sabihan ko rin si buboy na huwag na ivlog yung mga bata dahil sa tuwing vina-vlog nya nababasa namin sa comments na puro negative about sa side ko.

“una sa lahat kahit kelan hindi pinagbawalan si buboy pumasok sa bahay namin at hindi sya tinratong iba malaya syang makapunta sa bahay namin”

Binanggit din ni Angillyn ang sama niya ng loob kay Buboy dahil tila pinalabas na masama ang mga magulang ni Angillyn nang isadula ang love story nila sa Kapuso drama anthology na Magpakailanman noong 2016.

“kung ano man nakita nyo sa magpakailanman lahat yun ay ginusto ng writer para mapadrama yung estorya WALANG KATOTOHANAN

“kainuman pa ng papa ko si buboy kapag may events

“sinabihan din namin si buboy na mag salita about dun pero ang sabi nya oo daw pero lumipas na ang ilang taon hindi parin nya naipagtanggol ang mga magulang ko.

“sobrang bait ng mga magulang ko sakanya.. sobra.”

ANGILLYN GORENS ON HER CHILDREN

Ayon pa kay Angillyn, napagkasunduan na raw nila noon pa ni Buboy na sa magulang ni Angillyn titira ang kanilang mga anak upang maalagaan nang mabuti.

Madalas daw kasing wala ang komedyante sa bahay kaya hindi nito maasikaso ang mga bata.

May pahiwatig din si Angillyn tungkol sa mga magulang ni Buboy.

Sabi ni Angillyn: “MGA ANAK KO NAMAN.. pinagkasunduan namin na iiwan namin sa mga magulang ko NG DAHIL HINDI DAW KAYA NI BUBOY MAG ALAGA GAWA NG WALA SYA SA BAHAY NILA PALAGI

“AT YUNG MGA MAGULANG NI BUBOY AY GABI GABI NAG IINOM AT KUNG ANO PA MAN NA HINDI DAPAT GAWIN BAKA MAPANO ANG ANAK NAMING BABAE.. SIYA MISMO AMINADO NA HINDI PWEDI MGA ANAK NIYA SAKANILA..”

Tungkol naman sa sustento ni Buboy sa mga bata, sinabi ni Angillyn na hindi siya nagreklamo kahit halos dalawang taon nang hindi nakapagbibigay si Buboy ng financial support sa dalawa nilang anak.

Nagsusumikap daw si Angillyn at kinakayang tumanggap ng dalawang trabaho sa Amerika dahil pinaghahandaan din niya ang future ng dalawang anak.

Kahit puwedeng bumawi si Buboy sa pamamagitan ng pagbibigay ng oras para sa mga bata ay hindi pa raw maibigay ng dating kinakasama.

Saad ni Angillyn: “SA SUSTENTO NAMAN. WALA NAMAN PROBLEMA hindi siya nag sustento for almost 2 YEARS wala naman kami kahit kelan na nireklamo kahit 40k per taping/per hosting/ per day si buboy CHOICE NIYA YUN

“tinanong ako ng PEP kung bumaba na daw ba sustento simula nung lumabas anak nila sinagot ko lang yung tanong pero ginamit niyo [bashers] na para idegrade ako..

“oras nalang sana para sa mga bata, dun nalang sana bumawi dahil siya lang ang meron ang mga bata nasa america ako DAHIL NEED KO MAGBTRABAHO.. dalawa trabaho ko sa america dahil kahit future nila kailangan ko simulan ng ipon.”

Diin ni Angillyn, hindi naging problema sa kanila noon ang usaping walang pera si Buboy.

Sana lang daw ay naging maayos siyang tatay sa mga anak nila.

Saad niya: “hindi namin kailanman naging problema na wala siyang pera hindi ko yan niloko kahit kelan naging tapat ako

“ang hiniling ko lang sakanya maging maayos siyang tatay sa anak namin at huwag niyang makalimutan dahil nasasaktan yung anak naming babae

“masakit yun para samin na sinasabi ng anak naming babae na ‘wheres my papa?’ ‘is he not gonna visit me anymore because he has a new baby?’

“MAY UTAK NA ANAK NAMIN nasanay si vlanz na kausap niya papa niya kung anak nyo na yung nasasaktan ipaglalaban niyo din.

“hindi deserve ng nga bata yung pagkukulang ng ama niya.

“oo wala ako sa pilipinas para sa mga anak ko dahil kailangan ko mag trabaho

“graduate ako sa america at sa america lang ako pwedi mag trabaho

“mga anak ko gustuhin ko man na i-uwi sa america pero pano ako mag tatrabaho?

“mas kailangan ng mga anak ko pera ko para mabuhay sila at nag sakripisyo ako hindi para sa ikakasaya ko

“mayat maya umuuwi ako ng pilipinas para makita at makasama ko mga bata

“hindi ko kailan man ginusto na mag america at iwan sila

“kahit sinong nanay hindi gugustuhin mag ibang bansa para itaguyod ang anak.”

Ngayong Miyerkules ng hapon, March 26, nag-iwan ng mensahe ang PEP.ph (Philippine Entertainment) kay Buboy, sa pamamagitan ng direct messaging sa Instagram, upang kunin ang kanyang panig.

Nagpadala rin ang PEP ng mensahe, sa pamamagitan ng text message, sa Sparkle GMA Artist Center, ang talent management arm ng GMA Network, na nangangalaga sa career ni Buboy, upang humingi ng pahayag.

Minensahe rin ng PEP ang isang kinatawan ng GMA Corporate Communications, sa pamamagitan ng Facebook messaging, para sa kanilang pahayag.

Kaagad naming ilalathala ang kanilang pahayag kapag natanggap na namin ito