Jam Ignacio still mum about issue with Jellie Aw.

Jellie Aw firm on filing a case against Jam Ignacio
Jellie Aw on complaint vs Jam Ignacio: “YES po tuloy n tuloy ang KASO! d pedeng ganon2x nlng! ano sya sinuswerte? alm ko mdming sinsaktn jn natatkot lng magsumbong at mahal ksi nila, oo mahal ntin pero sobrang MALI MANAKIT.”

PHOTO/S: Courtesy: Instagram

Hindi nagpatinag ang club disc jockey na si Jellie Aw laban sa fiancé na si Jam Ignacio.

Sa Facebook ngayong Martes, March 11, 2025, tiniyak ni Jellie sa kanyang followers na itutuloy niya ang reklamo laban kay Jam.

Hindi raw basta ganun-ganun na lang yun.

Alam din daw ni Jellie na maraming katulad niyang biktima ng pang-aabuso ang takot magsumbong.

Hindi raw porke’t mahal ng isang tao ay pinapalampas na lamang ang mga maling nagawa nila.

Buong post niya (published as is): “sa mga nagtatanong YES po tuloy n tuloy ang KASO!

“d pedeng ganon2x nlng! ano sya sinuswerte?

“alm ko mdming sinsaktn jn natatkot lng magsumbong at mahal ksi nila, oo mahal ntin pero sobrang MALI MANAKIT.

“BABAE tyo my krapatan tayo!”

Suportado naman si Jellie ng maraming netizens.

Sabi ng isa (published as is): “Yown!! Go Pakita mo na Ang babae di dapat saktan ng Basta lang.. naway maging ehemplo sa karamihan Ang move na gagawin mo.. pag nsa katwiran dapat lang ipaglaban salute you brave/strong woman!”

Ayon naman sa isa pa: “Ang lalakeng nananakit KHIT pa emotional,psychological &physical ay deserved nilang bigyAn ng leksyon sila if not magiging habit na nila ang manakit ng babae.”

Dagdag pa ng isa: “Yes! No one deserve to be hit by anyone lalo na’t babae ka po at sa lalaki pa na minahal mo na inaasahan mong magtatanggol sayo ay siya pang mananakit at sobrang kahihiyan inabot mo na bash ka ng mga feeling perfect kaya he must face the consequences of all his evil deeds”

Noong February 14, nagpunta si Jellie sa National Bureau of Investigation (NBI) kung saan siya pormal na naghain ng reklamong physical abuse laban kay Jam.

JELLIE AW NOT KEEN ON FORGIVING JAM IGNACIO

Noong nakaraang linggo, nagbahagi si Jellie ng screenshot ng mensahe ni Jam sa kanya.

Hindi malinaw kung kailan ipinadala ang mensaheng ito, pero mukhang sinusuyo muli ni Jam si Jellie.

Nakasaad ditong ginagawa umano ni Jam ang lahat para maging maayos muli ang relasyon nila, pati sa pamilya ni Jellie.

May pangarap din daw si Jam para bubuin sana nilang pamilya.

Pero, parang deadma rito ang club DJ.