Mas tumitindi ang sigalot sa pagitan ng Kim Soo-hyun at ng kontrobersyal na GaroSero Research Institute, matapos lumabas ang ulat na may mga bagong posibleng kasong kriminal laban sa Hallyu star.

Matinding Akusasyon mula sa Tiyahin ni Kim Sae-ron

Noong Marso 10, 2025, isang babae na nagsabing siya ang tiyahin ni Kim Sae-ron ang naglabas ng nakakagulat na pahayag sa YouTube channel na GaroSero Research Institute. Ayon sa kanya, si Kim Soo-hyun at ang yumaong aktres ay may anim na taong lihim na relasyon, na nagsimula umano noong Nobyembre 19, 2015, kung kailan si Kim Sae-ron ay 16 taong gulang, at si Kim Soo-hyun naman ay 30 (ayon sa Korean age system).

Dagdag pa ng tiyahin, may larawan silang dalawa mula 2016 na muling pinost ni Kim Sae-ron noong Marso 23, 2024, ngunit agad na itinanggi ng kampo ni Kim Soo-hyun ang anumang dating rumors. Kinabukasan, Marso 24, 2024, isinulat umano ni Kim Sae-ron ang isang mahabang post tungkol sa kanilang relasyon, ngunit hindi na niya ito naipublish.

Gold Medalist Mariing Itinanggi ang Mga Paratang

Agad na naglabas ng opisyal na pahayag ang Gold Medalist Entertainment, ang agency ni Kim Soo-hyun.

Ayon sa kanila:

“Ang mga pahayag na inilabas ng GaroSero Research Institute ay ganap na hindi totoo. Hindi kailanman nagkaroon ng romantikong relasyon sina Kim Soo-hyun at Kim Sae-ron. Ang aming kumpanya ay kasalukuyang naghahanda ng mga legal na hakbang laban sa mga nagpapakalat ng maling impormasyon.”

Itinanggi rin ng kumpanya na may anumang papel si Kim Soo-hyun o ang kanilang agency sa pagharass kay Kim Sae-ron, lalo na nang magkaroon ito ng DUI scandal noong 2022.

Pinahayag din nila na hindi dumalo si Kim Soo-hyun sa burol ng aktres, ngunit wala itong kinalaman sa kanilang sinasabing nakaraang ugnayan.

GaroSero Hindi Umatras—Bagkus, Lumaban Pa!

Sa halip na umatras sa banta ng legal na aksyon, mas lalo pang nagpatindi ng akusasyon ang GaroSero Research Institute.

Ayon sa kanila, nakuha nila ang impormasyon mula mismo sa pamilya ng yumaong aktres at handa silang maglabas ng karagdagang ebidensya.

Mas lalo pang lumala ang sitwasyon nang magbigay ng pahiwatig ang YouTube channel na maaaring may isang kasong kriminal na isasampa laban kay Kim Soo-hyun sa lalong madaling panahon—at may kaugnayan ito sa isang menor de edad.

Bukod dito, kinuwestiyon din ng GaroSero ang moralidad ni Kim Soo-hyun matapos nilang ibunyag na hindi ito dumalo sa burol ni Kim Sae-ron.

Ano ang Susunod na Mangyayari?

Sa gitna ng patuloy na kontrobersiya, inaasahang magiging mas matindi ang legal na labanan sa pagitan ng kampo ni Kim Soo-hyun at ng GaroSero Research Institute.

Habang inaabangan ng publiko kung ano ang susunod na hakbang ng aktor, isang bagay ang sigurado—hindi pa tapos ang kwentong ito, at maaaring mas marami pang rebelasyon ang lumabas sa mga darating na araw.