– Pinabulaanan ni Ivana Alawi ang kumakalat na balitang may cancer siya at sinabing maayos ang kanyang kalusugan

– Ipinaliwanag niyang nagkasakit siya kamakailan ngunit ito ay trangkaso lamang at mabilis siyang gumaling

– Mariin niyang itinanggi ang maling impormasyon sa social media at sinabing walang katotohanan ang isyu

– Nag-alala ang kanyang ina dahil sa pekeng balita ngunit pinakalma ito ni Ivana at sinabing wala silang lahi ng cancer

Pinabulaanan ng aktres at vlogger na si Ivana Alawi ang kumakalat na balita na siya ay may cancer. Sa isang event kamakailan, diretsahan niyang sinabi na walang katotohanan ang isyung ito at maayos ang kanyang kalusugan.

Ivana Alawi, nagsalita tungkol sa ‘cancer rumor’: “Hindi ‘yun true” (📷@ivanaalawi/Instagram) Source: Instagram

Sa panayam ng media, ipinaliwanag ni Ivana na nagkasakit siya kamakailan ngunit ito ay trangkaso lamang at hindi isang malubhang sakit. “Actually, ito lang nung last week nagkatrangkaso ako kasi sunod-sunod talaga ‘yung trabaho. Pero so far, ‘yun palang at [I’m] much, much better na. Medyo lumusog pa nga ako nang very light dahil sa tubig and all that,” pahayag ng aktres.

Mariin niyang itinanggi ang maling impormasyon na kumakalat sa social media. “Walang katotohanan ‘yung magkaka-cancer ako. Hindi ‘yun true. Wag kayong mag-alala, wala kami nun sa lahi,” giit niya.

Dagdag pa ni Ivana, nag-alala ang kanyang ina matapos makita ang pekeng balita online. “Yung mama ko nga nag-alala dun tapos inaano niya ako. Sabi ko, mama kalma. Wala tayo niyan, walang mangyayari sa atin,” pagbabahagi niya.

Sa kabila ng mga tsismis, nananatiling positibo si Ivana at patuloy na nakatuon sa kanyang trabaho bilang aktres at content creator. Hinimok rin niya ang kanyang mga tagasuporta na huwag agad maniwala sa mga maling impormasyon na walang sapat na basehan.

Si Ivana Alawi ay sumikat at nakilala matapos niyang pasukin ang paggawa ng YouTube content. Kahit dati nang artista, mas sumikat siya nang naging vlogger siya. Sa katunayan mayroon nang mahigit 16 milyon ang kanyang subscribers sa YouTube. Matapos ang pagsikat niya sa social media, nagkaroon siya ng maraming oportunidad kabilang na ang pagbida niya sa isang serye.

Naglabas ng pahayag ang LVNA by Drake Dustin kaugnay ng desisyon ni Ivana Alawi na umalis bilang endorser at business partner ng Cebu branch. Kinumpirma ni Drake Dustin Ibay na matagal na nilang napagkasunduan ang pagtatapos ng kanilang partnership ngunit patuloy pa rin ang pag-uusap sa mga pinal na kasunduan. Nagpasalamat ang LVNA kay Ivana para sa naging malaking kontribusyon nito sa paglago ng kanilang brand at para sa mga sandaling kanilang pinagsamahan. Nanatiling positibo ang pahayag ng LVNA at inihayag na mananatili si Ivana bilang mahalagang bahagi ng kanilang kwento at tagumpay.

Binahagi ni Ivana Alawi ang kanyang video kung saan napagpasyahan niyang idaan sa prank ang pagbigay-pugay niya sa kanilang driver na walong taon na sa kanila. Palagi umano itong kasa-kasama ni Ivana at palaging nakakasaksi ng mga prang-pa-prank ng amo. Sa naturang video ay napagkaisahan nila ang driver sa pamamagitan ng pagtangay ng nakaparadang kotse ni Ivana na nagkakahalaga ng 20 M. Hindi nito napigilang maiyak lalo nang sabihin ni Ivana na ipapa-pulis umano niya ito at baka may kakuntsaba ito na tangayin ang kanyang kotse.