Bukas, Pebrero 14, 2024, ang ika-53 kaarawan ni Kris Aquino.

Kasabay nito, isang mahalagang anunsiyo tungkol sa kalagayan ng kanyang kalusugan ang hiniling niyang ihatid ni Boy Abunda sa manonood ng programa nito sa GMA-7, ang Fast Talk with Boy Abunda.

boy abunda kris aquino

Dalawampung minuto lamang ang running time ng Fast Talk. Bukas, iuukol ni Boy ang kabuuan ng kanyang programa kay Kris.

Malaki ang posibilidad na magiging maingay at pag-uusapan ang mga ilalahad ni Boy tungkol sa mga nangyayari ngayon sa buhay ng TV host-actress, na itinuturing niyang parang tunay na kapatid.

Sa kanyang programa ngayong Martes ng hapon, Pebrero 13, nagsalita at nagbigay ng pahiwatig si Boy sa mga ilalahad niya tungkol sa kalusugan ni Kris.

 

Aniya, “A couple of days ago ay nakausap ko po ang aking kapatid, si Kris Aquino.

People are crying, people are lost': Boy Abunda turns emotional on ABS-CBN broadcast shutdown | ABS-CBN Entertainment

“Tomorrow, she is celebrating her birthday. And we’re going live again tomorrow dahil Kris requested me to read a very important statement tungkol sa kanyang kalagayan.

“Sabi nga niya, ‘Utang ko sa milyun-milyong tao na nagdarasal para sa akin.’

“At sabi niya, ‘Boy, it has to be you. You have to read my statement para maunawaan ng tao.’

“Kris is going through a very difficult time in her life.

“Sabi niya sa akin, ‘Para mas maintindihang mabuti, promise me, Boy, you will not cry.’

“Sabi ko, ‘Kris, aantayin ko ang iyong statement and I will try not to cry…’”