umakalat sa social media ngayong Miyerkules, February 12, 2025, ang mga larawan ng duguang mukha ng club disc jockey na si Jellie Aw.

Si Jellie ang fiancée ni Jam Ignacio, ex-boyfriend ng actress-TV host na si Karla Estrada.

Na-engage sina Jellie at Jam noong November 11, 2024.

Sa Facebook post ng kapatid ni Jellie na si Jo Aw, direkta nitong inakusahan si Jam na siya umanong may kagagawan ng nangyari kay Jellie.

Sabi pa nito, hindi niya alam ang dahilan kung bakit “bigla na lang pinagsasapak” at “binugbog” ni Jam ang kanyang ate na si Jellie.

→ Swipe to see more articles

Related Posts

Kathryn and Alden: Special Gifts in KathDen’s Latest Update!

Karylle Tatlonghari Joyfully Expecting First Baby After 6 Years of Trying?

Willie Revillame’s Unexpected Slip Shocks Fans as He Accidentally Reveals the Secret Children of Coco Martin and Julia Montes

KRIS AQUINO COMEBACK: ANO ANG NAGPABAGO NG ISIP NIYA NA BUMALIK SA TELESERYE?

Sofronio Vasquez Sets Sights on Global Stardom: Bringing Filipino Music to the World & Eyeing a Break in Acting!

Ivana Alawi, inalala ang aktor na ginawa siyang “sugar mama”

Mabuti na lamang daw at nakasigaw si Jellie sa isang tollgate na kanilang nadaanan at nailigtas ng mga pulis.

Lumalabas na nasa loob ng sasakyan sina Jam at Jellie nang mangyari ang insidente.

Lahad ni Jo sa kanyang post (published as is): “BIGLA NA LANG PINAG SASAPAK, BINUGBOG HABANG PAUWI ATE KO, WALANG KALABAN LABAN SA LOOB NG NAKALOCK NA SASAKYAN

“Una sa lahat kung ano man ginawa ng ate ko wala kang ni anong karapatan dampian ng kamay yung ate ko. ang kapal naman ng mukha mo “JAM IGNACIO”

“Ni hindi makahingi ng tulong ate ko dahil kunuha mo yung cellphone.

“Buti na lang hindi nabasa yung RFID sa toll at nakasigaw yung ate ko pag baba ng bintana at nakahingi ng tulong sa TELLER sa toll gate, ngayon tinakbuhan mo yung mga pulis!

“Wala kang awa!! Demonyo, mapapatay mo na ate ko

“Update po kay ate magpapamedical na kami ngayon and magrereport na sa pulis.”

JELLIE AW: “JAM IGNACIO MAGKITA TAYO SA KULUNGAN!”

Si Jellie ay nagbahagi rin ng ilang larawan sa Instagram Stories ng nangyari sa kanya.

Kabilang dito ang selfie niya kung saan makikitang bugbog-sarado ang kanyang mukha.

Sabi ni Jellie sa caption: “ta*na mo @jamignacio magkita tayo sa kulungan.”

May isa ring larawan kung saan makikita ang facade ng isang hospital emergency wing na pinagdalhan sa kanya upang lapatan ng karampatang lunas.

Sa isang larawan ay pinasalamatan ni Jellie ang kapatid na si Jo na nag-asikaso sa kanya.

Sa kanya namang Facebook account ay nag-post si Jellie ng tatlong larawan ng nagpapakita rin ng kanyang bugbog-saradong mukha.

Muli niyang inulit ang bantang ipapakulong si Jam.

Caption niya rito: HAPPY VALENTINES?

“taena mo Jam Ignacio mapapatay moko wala akong ginawang masamA para ganituhin moko

“halos mamatay ako sa ginawa mo! papalukong kita!”

Bago ng insidente, nag-post pa si Jellie ng short video na nagpapakitang maayos pa sila ni Jam.

Makikita ritong nasa loob sila ng isang nail salon kung saan tila hinihintay ni Jam si Jellie.

Sa kasalukuyan ay wala pang detalye kung ano ang pinag-ugatan ng pisikal na pananakit umano ni Jam kay Jellie.

Nagpadala ng magkahiwalay na mensahe ang PEP.ph (Philippine Entertainment Portal) kayJam at kay Jellie, sa pamamagitan ng direct messaging sa Instagram, upang hingin ang kanilang panig kaugnay ng insidenteng ito.

Pinadalhan din ng PEP ng mensahe si Jo sa pamamagitan ng kanyang Facebook account.

Kaagad naming ilalathala ang kanilang mga tugon kapag natanggap namin ito.