Pinagtawanan ni Kitkat si Gene Padilla dahil sa aniya’y panenermon dito ni Marjorie Barretto.

Kaugnay ito ng pagdepensa ni Gene sa kapatid na si Dennis Padilla matapos itong maging “visitor of the bride” imbes na “father of the bride” sa kasal ng anak na si Claudia Barretto.

KITKAT: “natawa lang ako kasi nasopla si gene…”

Sa Facebook kahapon, April 13, 2025, ni-reshare ni Kitkat ang post ng isang online entertainment site.

Mababasa rito ang sinabi ni Marjorie, sa vlog ni Ogie Diaz, na hindi imbitado si Gene sa wedding, kundi si Dennis lang at ina nitong si Catalina Baldivia.

Bahagi ng sinabi ni Marjorie, “Ano ba nira-rant mo, Gene? First things first, Gene, no offense, you were not invited to the wedding. Si Mama lang at si Dennis.”

Nilinaw ni Kitkat na wala siyang pakialam sa isyu ni Dennis at Marjorie.

Sabi ni Kitkat (published as is): “Sorry di ko napigil… tawang tawa lang ako dito….

“FYI : wala ako paki sa mga eksena… natawa lang ako kasi nasopla si gene…

“Di ka naman pala invited kasi Gene hahahah…”

Sinabi rin ni Kitkat na may dati na silang isyu ni Gene pero hindi na niya ito dinetalye.

Dagdag ni Kitkat (published as is): “well sakin umepal ka din dati, ikaw na pinag simpatyahan ko…..,

“pero gumatong at nakipag kampihan ka pa dun sa umaway sakin! Hahaha katatanda at kalalaki nyong tao pinagkaisahan nyo ko!

“Tsk tsk tsk..

“P.S. DI KO MAKAKALIMUTAN YUN AT BUNTIS NA AKO NON! Hilig nyo manakit ng damdamin ng Babae, Bata, ng Kapwa!

“Makanuod nga nung movie na ‘UNINVITED’”

THE ISSUE BETWEEN GENE PADILLA AND MARJORIE BARRETTO

Sa panayam ni Ogie, kuwinestiyon ni Marjorie ang aniya’y pagsawsaw ng mga kapatid ni Dennis na sina Gene at Jennifer Baldivia.

Nag-post daw kasi ang mga ito sa social media para kampihan si Dennis, gayong wala raw basehan ang mga sinabi ng mga ito.

Pero, mas naka-pokus si Marjorie sa post ni Gene.

Noong April 9, isang araw matapos ang kasal ni Claudia, ibinahagi ni Gene ang bersyon niya ng karanasan nila ni Dennis.

Ayon kay Gene, maaga silang nagtungo sa simbahan dahil “excited” silang masaksihan ang kasal ni Claudia.

Pero nadismaya sila dahil hindi binigyan ng kahit anong parte sa wedding ceremony ang kanyang Kuya Dennis.

Hindi rin daw sinabihan si Dennis na hindi ito kasama sa entourage na maglalakad sa altar.

Lahad ni Gene (published as is), “Ngayon lang po ako magsasalita…by 1PM nasa church na po ako… galing bulacan going to alabang… simama po namin 5am gumising na excited same kay kuya dennis padilla para sa kasal ng anak niya…

“ngayon lang ako nakawitness ng kasal na di part ng program ang ama ng bride… sa aga namin dun… na nandun mga event organizer wala man lang nagsabi na di siya part ng program… di kasama sa entourage na maglalakad sa gitna papuntang harapan ng altar…”

Nagtanong daw sila sa wedding organizer kung saan sila uupo at pupuwesto, pero sinabihan daw silang kahit saan.

Si Dennis naman daw ay maaaring tumabi sa mga ninong.

Pero nagdesisyon ang magkapatid at ang kanilang ina na sa bandang likod na lamang pumuwesto.

Ayon kay Gene, iniyakan ni Dennis ang nangyari sa loob ng simbahan kaya sinabihan ni Gene na umuwi na sila matapos ng seremonya at matapos magpalitrato kasama ang bagong kasal.

Pagpapatuloy ni Gene (published as is): “nagtanong kami kung san uupo ang nanay namin ang sabi kahit saan dun at yung ama dun na lang DAW sa tumabi sa mga ninong…kaya kami ni kuya dennis pumunta na lamang sa likuran…

“napaluha at napaiyak si kuya sa mga nangyari… kaya sabi ko umuwi na tayo after ng simbahan at papicture na lang sa kinasal…

“naawa din ako sa nanay ko kasi naiyak na rin… naramdaman ko yung sakit na naramdaman ng kapatid at nanay ko dahil ama din ako…”

Hindi ito pinalampas ni Marjorie.

Sabi niya kay Ogie, “Si Gene at si Jennifer Padilla na hindi taga dito. She lives abroad.

“Ano ba nira-rant mo Gene?

“First things first, Gene, no offense, you were not invited to the wedding. Si Mama lang at si Dennis.

“Kasi sa ranting niya parang nagising pa siya ng 5 A.M. Mula Bulacan, pumunta pa siyang Alabang.

“Wala naman nagsabing gawin mo yun, Gene. Imbes na pinahinahon mo yung kapatid mo, inano pa niya, e, finuel niya.”

Paglalarawan pa ni Marjorie, nakarating sa kanya na mas apektado si Gene gayong wala itong role sa kasalan.

Dagdag ni Marjorie, “Mas charged daw siya, e.

“Ang kuwento ng mga pamangkin ko, ‘Siya pa, si Kuya, walang role… Ina-agitate mo pa.’

“Alam mo, bigla kang nag-post, di ba? Parang it’s just so… Hindi ka invited, Gene, e.

“With all due respect, my daughter has no recollection of you.

“Wala kayong naging relasyon.”

Sabi naman niya kay Jennifer, “Jennifer, Jen, you’re really Jen.

“Grabeng sakit ng mga sinabi mo. May wish pa na ‘Makakarma kayo balang araw.’ Why?

“Nandun ka ba? Nandun ka ba nun? Nakita mo umiyak si Mama? Totoo?”

MARJORIE DEFENDS GOOD life OF CHILDREN

Hindi rin pinalampas ni Marjorie ang aniya’y pagkastigo ni Gene sa mga anak nila ni Dennis.

Post ni Gene sa Facebook post (published as is): “ang tagal na panahon na nanunuyo at nahingi ng atensyon ama niyo sa inyo mga anak… yan ba itinanim ng mga nakapaligid sa inyo….

“puro kayo karangyaan at kasikatan… sa inyo na lahat yan… sanay kami sa hirap at di talaga kami nababagay sa inyo…

Saad ni Marjorie, “Huwag mo kung ano, Gene and Jen, kung inaano niyo, pinagtatanggol yung kapatid niyo.

“Anak ko itong ginaganun niyo. You’re wishing karma on my children?

“Gene, ano pa yung sinasabi mo? ‘Yung mga karangyaan niyo, yung mga kayamanan,’ whatever.

“Gene, pinagtatrabahuan ng mga anak ko yan. Do not punish my children if their life is good.

“They work so hard for what they have, Gene. Really, talagang grabe ka.

“Kayo alam niyo kung anong ginawa sa akin.

“Alam niyo yung pagkukulang. Ano sabi nila? Dennis cries himself to sleep?

“Yung mga crying my children to sleep, nakita niyo yun?

“Nakita niyo ba yung effect na babatiin lang ng mga anak ko ng Happy Father’s Day ang kapatid niyo?

“Papadalhan ng pagkain, magra-rant kaagad? ‘I don’t need your food. I need a letter.’

“Birthday niya, magpapadala ng pagkain mga anak ko sa bahay niya.

“‘Bakit ito lang?’ Ang dami o, Gene. Ang dami. Grabe yung mga anak ko. Over and over na lang nasasaktan. Over and over.

“May sumagot na bang mga anak ko? Ever? Did any of my children talk bad about their father in interviews? Never.

“They suffer in silence. It has an effect on their mental health.”

Read: Is Julia Barretto calling Dennis Padilla a “narcissistic parent”?

Nagpadala na ang PEP.ph (Philippine Entertainment Portal) ng mensahe kay Gene via direct messaging sa Instagram para hingin ang kanyang panig sa isyu.

Pero hindi pa ito tumugon sa amin.