Nakatanggap kami ng mga komento sa radio program namin sa DZRH na nagustuhan nila ang pilot episode ng Mga Batang Riles sa GMA-7 noong Lunes, January 6, 2025.
Ayon sa mga nagkomento, nagustuhan nila ang pagsisimula ng kuwento at nagalingan sila sa mga artistang bumubuo ng bagong action-drama series ng Kapuso network.
Ang galing daw ng mga kabataang bida, sa pangunguna ni Miguel Tanfelix bilang Kidlat. Pero hindi pa raw lumalabas ang karakter ni Kokoy de Santos, bilang Kulot, na magaling din sa aktingan.

Ang pilot episode ng Mga Batang Riles ay nakapagtala ng 10.4% aggregated ratings — mula sa iba’t ibang channels na pinagpalabasan nito.
Habang ang katapat nitong FPJ’s Batang Quiapo, na pinagbibidahan ni Coco Martin, ay may aggregated ratings na 15%.
Pero ang rating ng Mga Batang Riles sa GMA-7 ay 8.6%, at ang Batang Quiapo naman sa TV5 ay 7.9%.
Kung magiging consistent na maganda ang bawat episode ng Mga Batang Riles, magiging maganda ang tapatan nila sa nangungunang Batang Quiapo.
IT’S SHOWTIME NO LONGER AIRING ON GTV
Samantala, napansin din namin nung Lunes, Enero 6, na hindi na pala napapanood sa sister network ng GMA-7 na GTV ang It’s Showtime, kaya medyo bumaba ang aggregated ratings ng noontime show.
Bukod sa GMA 7, napapanood din ang It’s Showtime sa A2Z, All TV, at Kapamilya Channel.
Naka-6% ang It’s Showtime, habang ang katapat nitong Eat Bulaga! ay naka-3.2%.
Kahit ang All-Out Sundays ay wala na rin pala sa GTV, kaya bumaba rin ang rating nito noong Linggo, Enero 5.
Naka-live streaming pa rin ang AOS, pero wala na silang online hosts kapag nagko-commercial break.
Live ang All-Out Sundays noong Linggo, at naka-2.9% lamang ito.
Dumikit ang katapat nitong ASAP Natin ‘To, na naka-2.4%.
Wala pa kaming nakukuhang sagot kung bakit wala na sa GTV ang It’s Showtime at All-Out Sundays.
JERRY OLEA
Pasabog ang pagbubukas ng bagong taon para sa FPJ’s Batang Quiapo sa pagdiriwang nito ng ika-100 linggo, at sa pagsisimula ng ikalawang taon ng Kapamilya teleserye simula Enero 6, Lunes.
Sa isang teaser na inilabas ng ABS-CBN, nagbabadya ang makapigil-hiningang sagupaan sa mga susunod na episode tampok ang mga engkuwentro ni Tanggol (Coco Martin).
Kaabang-abang ang muling paghaharap nina Tanggol at Olga (Irma Adlawan) kung saan isang buhay ang malalagay sa panganib nang biglang sumulpot si Marites (Cherry Pie Picache) sa bakbakan ng dalawa.

Sa wakas ay isisiwalat na ni Olga kay Tanggol na hindi si Rigor (John Estrada) ang totoo nitong ama.
Huwag palampasin ang maaaksyong kaganapan sa FPJ’s Batang Quiapo gabi-gabi ng 8:00 P.M. sa Kapamilya Channel, A2Z, TV5, iWantTFC, at Kapamilya Online Live sa YouTube channel at Facebook page ng ABS-CBN Entertainment.
NOEL FERRER
Nitong Enero 5, Linggo, ang BBL Gang ay 9.3%, at ang Tolome! Walang Matigas na Pulis sa Matinik na Misis ay 9.1%.
Ang Rainbow Rumble ay 3.1%.
Ang Kapuso Mo, Jessica Soho ay 14%, at ang The Boobay and Tekla Show ay 3.5%.
Oh, bakit kaya hindi na kasama sa airing ng ibang mga programa sa GTV ang It’s Showtime at All-Out Sundays?
Maganda ring malaman, ano na nga ba ang thrust ng GTV kung hindi lang ito magiging extension ng GMA programming?
But all in all, mukhang magandang pagsisimula ito ng taon, na sumisigla na naman ang panonood ng telebisyon!
News
‘You Betrayed Us All!’ – Matet De Leon’s Explosive Statement Against Ian Sparks National Outrage Over Family Secrets and Long-Buried Conflicts
Matet De Leon Breaks Silence: Files Abuse Case Against Ian, Exposing Painful Truths Behind Their Family Feud In a revelation…
“He Was More Than My Past”—Jackie Lou Blanco Breaks Silence on Ricky Davao’s Death with Heartfelt Farewell
“He Was More Than My Past”—Jackie Lou Blanco Breaks Silence on Ricky Davao’s Death with Heartfelt Farewell Jackie Lou Blanco…
“He Was Hiding It for Years” — Ara Davao’s Revelation About Ricky Davao’s Secret Illness Before Death Leaves Everyone Speechless
MANILA, Philippines — Actress Ara Davao confirmed that her father, award-winning actor Ricky Davao, passed away after a battle with cancer….
KRIS AQUINO BREAKS SILENCE: Her Will Exposes Unexpected Fortune Division — What She Left for Ex-Lovers James Yap and Philip Salvador Leaves the Public Completely Speechless
Kris Aquino Breaks Her Silence: Final Will Reveals Shocking Exclusion of James Yap and Philip Salvador in Favor of Sons…
Legendary Actress Nora Aunor Shocks the Public After Revealing That Her Enormous Wealth Will Go Entirely to Ian de Leon — Here’s the Heartbreaking Reason Behind Her Decision
Nora Aunor’s Final Wish Revealed: Her Son Ian de Leon Named as Major Heir in Surprising Turn of Events The…
Fans Mourn Ricky Davao’s Sudden Death—But Jackie Lou Blanco’s Unusual Reaction Sparks Even More Questions
Jackie Lou Blanco’s Emotional Tribute to Ex-Husband Ricky Davao: A Love That Endures Beyond Goodbye In a deeply moving moment,…
End of content
No more pages to load