Pau Fajardo OPEN UP not keen on having a basketball player boyfriend

Influencer Pau Fajardo not ready to enter in a relationship.

Influencer Pau Fajardo on romantic relationship: “Kung darating, darating. Yun na lang po. Di ko masasabi, ayokong magsalita nang tapos.”

Idiniin ng social media influencer na si Pau Fajardo na ayaw na niyang magkaroon ng relasyon sa isang basketball player.

Mahihinuhang malalim ang iniwang sugat ng breakup ni Pau sa PBA player na si Scottie Thompson ng Barngay Ginebra.

Sina Pau at Scottie ay walong taong magkarelasyon. Bisperas ng Bagong Taon ng 2021 ay nag-propose ang player kay Pau.

Subalit laging gulat ng marami nang mapabalitang ikinasal na si Scottie sa isang stewardess, si Jinky Serrano, noong June 2021.

Sa isang statement, inako ni Scottie na siya ang may kasalanan sa paghihiwalay nila ni Pau.

PAU ONE YEAR AFTER breakup with scottie

Isang taon ang nakalilipas, hindi pa rin handa si Pau na pumasok sa relasyon.

At lalong ayaw na raw niya sa basketball player.

“Basketball player? Di na talaga,” diin ni Pau.

Nakapanayam siya ng Philippine Entertainment Portal (PEP.ph) sa contract signing/launching niya bilang Luxe Slim endorser na ginanap sa Illos Home Restaurant, Parañaque.

Ano naman ang hinahanap niya sa isang lalaki?

“Ako, basta loyal okay na ako. Yun na muna,” sagot niya.

Sa kasagsagan ng kontrobersiya ng paghihiwalay nila ni Scottie, maraming mga misis ng basketball players ang sumuporta kay Pau.

“Siguro kasi kilala nila ako. Kilala nila kami pareho, pero siyempre, di lang sila nagsa-side sa akin, masaya na nandun ang suporta nila sa akin,” komento ni Pau.

REAL SCORE WITH JONATHAN GREY

Sa kabilang banda, tinutukso si Pau kay Northport Batang Pier shooting guard Jonathan Grey.

Pero “personal choice” daw ni Pau na huwag munang mag-entertain.

“Siguro ‘wag na muna,” sabi niya.

“Si Jonathan, hindi kami magkakilala talaga. Nakikita ko siya before kasi he’s a player.

“Pero di kami magkakilala personally, wala kaming connection.

“Siguro once lang, parang meryenda lang. Pero after nun, wala na.”

Ayaw rin ni Paul na bigyan ng deadline ang sarili kung kailan makikipagrelasyon.

“Kung darating, darating. Yun na lang po. Di ko masasabi, ayokong magsalita nang tapos.

“Bahala na si Lord.”

Hindi lahat ay suporta ang natatanggap ni Pau. Nagkaroon din siya ng bashers.

Hindi rin daw siya manhid para hindi maapektuhan ng pamba-bash.

Aniya, “Naapektuhan pa rin kasi di naman tayo sanay sa ganito.

“Pero tine-take ko na lang siya na okay lang. Pero wala na ngayon.”

ON GIVING SHOWBIZ A TRY

Napabalita rin noong nakaraang taon na nagkaroon siya ng meeting with Vic del Rosario, ang big boss ng Viva Entertainment.

Inakala ng marami na susubukan ni Pau ang showbiz, pero hindi ito nangyari.

“Nung time na yun parang lutang ako. Kumbaga yung isip ko parang wala pa talagang plano.

“Di naman reding-ready, kumbaga, it takes time siguro.”

Pero ngayon ay mas bukas na raw siyang subukan ang showbiz.

“Kung may opportunity why not?” sabi niya.

Consistent si Pau na ang Kapamilya actor at crush niyang si Zanjoe Marudo ang gusto niyang maging leading man.

“Family-oriented kasi si Zanjoe, parang God-fearing.

“Na-meet ko na kasi siya personally. Friend siya ni Kuya, so na-meet ko na. Mabait siya.”

BLESSING IN DISGUISE

Sa kabila ng pinagdaanang heartbreak, naniniwala si Pau na may dahilan ang nangyari.

“Siguro okay na, blessing in disguise na rin siguro yung nangyari.

“Kasi kung di nangyari yun, di ako lalabas sa comfort zone ko.

“Di ko mami-meet yung mga taong nagtiwala to endorse their products, especially Ms. Anna Magkawas. Sobrang thankful ako.”

“Malas sa pag-ibig, malas sa career, siguro ganun na nga.

“Minalas man sa pag-ibig pero yung mga taong nagtitiwala na i-promote, i-endorse ang product nila, sobrang malaking bagay na yun sa akin.”