May babala ang nakababatang kapatid ni Jellie Aw na si Jo Aw, isa ring club disc jockey katulad niya.

Ito ay matapos ang pagsusumamo ni Jam Ignacio, fiancée ni Jellie, on national television na patawarin siya nito at magbalikan sila.

Sa kanyang Facebook post kahapon, February 19, 2025, ni-repost ni Jo Aw ang news report ng GMA News tungkol sa paghingi ng tawad ni Jam kay Jellie.

Makahulugang caption ni Jo para sa kanyang ate: “Magiging kwento kana lang talaga pag binalikan mo pa to Jellie Aw [slightly similing face emoji]”

JAM IGNACIO APOLOGIZES TO JELLIE AW

Sa eksklusibong panayam ng 24 Oras kay Jam na umere Miyerkules ng gabi, sinabi nitong pinagsisisihan niya ang kanyang pananakit kay Jellie.

Bahagi ng pahayag ni Jam: “Sa simpleng hindi pagkakaunawaan and siguro, may halo na rin sigurong pagod sa maghapon na lakad namin.

“E, kumbaga, tao lang din siguro ako… baka napuno lang din siguro ako.

“Na hindi ko sinasabi na tama, pero hindi ko… hindi ko para i-tolerate na gawin ulit.

“Humihingi ako ng tawad, pasensiya na talaga. Sorry, sorry, sorry sa lahat.”

Sa kabila ng nangyari, nais pa rin daw ni Jam na ituloy ang pinaplano nilang pagpapakasal ni Jellie.

Nag-propose si Jam kay Jellie noong November 2024.

Sabi niya: “Alam mo na gusto ko ikaw na yung makasama ko talaga.

“Alam mo yan na may plano tayo na bumuo ng pamilya.

“Tuparin natin, Hon, nagmamakaawa ko sa yo.

“Sana ayusin natin to.”

JO AW FIRST POSTED ABOUT THE MAULING OF SISTER JELLIE AW

Si Jo ang unang nagpaalam sa publiko tungkol sa masaklap na sinapit ng kapatid na si Jellie sa mga kamay ni Jam noong February 12.

Malapit ang relasyon ng dalawang magkapatid.

Sa Facebook post ni Jo, direkta nitong inakusahan si Jam na siyang may kagagawan sa nangyari kay Jellie.

Sabi nito, hindi niya alam ang dahilan kung bakit “bigla na lang pinagsasapak” at “binugbog” ni Jam ang kanyang ate.

Mabuti na lamang daw at nakasigaw si Jellie sa isang tollgate na kanilang nadaanan at nailigtas ito ng mga pulis.

Lumalabas na nasa loob ng sasakyan sina Jam at Jellie nang mangyari ang insidente.

Lahad ni Jo sa kanyang post (published as is): “BIGLA NA LANG PINAG SASAPAK, BINUGBOG HABANG PAUWI ATE KO, WALANG KALABAN LABAN SA LOOB NG NAKALOCK NA SASAKYAN

“Una sa lahat kung ano man ginawa ng ate ko wala kang ni anong karapatan dampian ng kamay yung ate ko. ang kapal naman ng mukha mo “JAM IGNACIO”

“Ni hindi makahingi ng tulong ate ko dahil kunuha mo yung cellphone.

“Buti na lang hindi nabasa yung RFID sa toll at nakasigaw yung ate ko pag baba ng bintana at nakahingi ng tulong sa TELLER sa toll gate, ngayon tinakbuhan mo yung mga pulis!

“Wala kang awa!! Demonyo, mapapatay mo na ate ko

“Update po kay ate magpapamedical na kami ngayon and magrereport na sa pulis.”

Hindi sumagot si Jellie sa post ng kapatid kahit naka-tag siya rito.

Wala pa rin itong reaksiyon sa public apology ng fiancé.