Nagbahagi ng isang mahabang post sa X (dating Twitter) ang BINI member na si Aiah Arceta.

Ito ay kasunod ng kumakalat na balitang nagdidikit sa kanyang pangalan sa PBA player na si Caelan Tiongson ng Rain or Shine Elasto Painters.

Nagsimula ang espekulasyon sa ugnayan ng dalawa nang maispatan si Aiah na nanood ng laro ni Caelan sa PBA noong March 1, 2025.

Sa kanyang post sa X, sinabi ni Aiah na alam niya ang mga nangyayari sa kanyang kapaligiran na tila naging big deal sa iba.

Aniya: “Hey hey hey, everybody! First of all, breathe. Inhale the good, exhale the bad.

“I am aware of what has been happening lately, and honestly, it’s interesting to see how it has become such a big deal for some, along with the multiple theories circulating about it.”

Ikinamangha rin umano niya kung paano lumaki bigla ang mga haka-haka kung saan mali ang pagkakaintindi ng ilan.

Aniya: “It’s also fascinating to observe how quickly noise can grow and how many people can misunderstand so many things.”

BINI AIAH: “Let’s all be loving and kinder to one another.”

Napansin din daw ni BINI Aiah na lahat ng nakapalibot sa kanya—maski kaibigan, katrabaho, or kamag-anak—ay inuugnay sa kanya.

Saad niya sa kanyang post: “I also notice that almost everyone I hang out with or surround myself with gets linked, no matter who they are whether it’s a friend, a superior, or even a relative which I find is unfortunate.”

Dati raw ay nonchalant siya sa mga ganitong bagay, pero nasasaktan daw siya ngayon na ang mga malalapit sa kanya ay nadadamay.

Sabi ng girl-group member: “Usually, I am just unbothered and let things be because I know what’s truly happening behind all the commotion.

“But this time, it pains me to see that the people who make me feel safe, calm, and normal, and those who contribute to my happiness are being ridiculed and made fun of online.

“My friends have been such a great help to me, especially lately, and I think they don’t deserve the hate.”

Kasunod nito ay nakiusap si Aiah na maging mabait at marespeto ang lahat sa kapwa dahil kailangang-kailangan daw ito sa panahon ngayon.

Pagtatapos niya: “There are so many sides and truths that people don’t see, and I just hope we can all be kind to one another because kindness is free, and we all need it.

“I hope and pray that all the hate gets suctioned out and is instead filled with nothing but love.

“Let’s all be loving and kinder to one another. Also, sabi daw ni Honey baka sya naman na ma balita this time kase mahilig din naman syang manood ng mga aso na naglalaro hehe

“Haha anyways, nothing but love and no hate”

BINI AIAH GETS SUPPORT FROM HER FANS

Suportado naman siya ng kanyang mga tagahanga:

SO, WHAT’S THE REAL SCORE?

Bagamat mahaba ang post ni BINI Aiah, hindi nito direktang sinagot kung ano talaga ang tunay na estado nila ni Caelan — kung magkaibigan lang sila o may higit pang namamagitan sa kanila.

Hindi na rin siguro dapat magtaka si Aiah kung “big deal” sa iba ang bawat kilos niya, lalo na sa mga pampublikong lugar, dahil kabilang siya sa itinuturing na “nation’s P-pop group.”

Samantala, noong March 3, nagsalita si Caelan tungkol sa isyung nag-uugnay sa kanila ni Aiah.

Hindi rin niya kinumpirma kung totoo ang dating rumors tungkol sa kanila.

Ang tanging naging paliwanag niya ay nagkakilala sila ni Aiah “through a mutual friend.”

Bukod pa rito, sila raw ay churchmate.

Pahayag ni Caelan: “I met her through a mutual friend and she’s a great person, but I’m not gonna speak about her personal life anymore than that.

“She’s a great person and that’s all I gotta say.”

Sabi pa ni Caelan, masugid siyang tagahanga ng BINI. Ito raw ang dahilan kung bakit nanood siya ng concert ng grupo.

Aniya, “I love BINI. [I’m a] big Bloom fan, love their music.”