Napahiyaw ang audience sa Body of Work: The Bench Show nitong Marso 21, 2025, Biyernes, sa SM Mall of Asia Arena, nang magpasilip ng wetpaks si Edgar Allan “EA” Guzman.

Ang post ng fiancee niyang si Shaira Diaz sa Facebook, naloka siya sa pasabog ni EJ.

“Mygooodnessssss! Yung pwet ng asawa ko alam na ng lahat itsura susginoo! Hindi ko talaga alam! Im shookt!!!” sabi ni Shaira, na rumampa rin sa nasabing show.

Photo/s: Shaira Diaz on Facebook

Photo/s: Shaira Diaz on Facebook

Epektibo rin ang gimik ni Jake Cuenca na nagmotorsiko sa entablado, at inihagis sa audience ang hinubad kapagkuwan na pang-itaas at pantalon.

Jake Cuenca brings his motorbike to the Body of Work runway. 
Photo/s: Bench/ lifestyle + clothing on Facebook

Naka-brief na lang at naka-helmet si Jake nang um-exit sakay pa rin ng motorsiklo.

Jake Cuenca leaves the runway sans his shirt and pants. 
Photo/s: Bench/ lifestyle + clothing on Facebook

Pero ang mga pinakatinilian sa palabas ay hindi kinailangang rumampa nang naka-underwear.

Hindi pa man lumalabas ang SB19 ay dumadagundong na ang sigawan ng fans.

Mula sa pag-appear nila sa stage hanggang sa matapos silang humataw para sa kanta nilang “DAM,” tuluy-tuloy ang pag-iingay ng karamihan sa manonood.

 

kathryn bernardo sizzles, but no kathden moment

Sumunod na pinakabongga ang response ng audience ay ang finale sa celebrities na rumampa: ang box-office queen na si Kathryn Bernardo.

Kathryn Bernardo at the finale of Body of Work: The Bench Show 
Photo/s: Bench/ lifestyle + clothing on Facebook

May sensuwalidad si Kath! May ella factor!

Sa Under The Stars show ng Bench taong 2017 ay kasabay niyang rumampa ang kasintahan noon na si Daniel Padilla.

This time, she embodied an empowered woman on her own.

Take note na ang nag-open ng star-studded fashion extravaganza ay si Alden Richards, ang leading man ni Kathryn sa Hello, Love, Again—ang pinakamalakas na pelikula sa kasaysayan ng pelikulang Pilipino (hindi adjusted sa inflation).

Alden Richards opens the Body of Work: The Bench Show. 
Photo/s: Bench/ lifestyle + clothing on Facebook

Of course, malakas din ang tilian kay Alden.

 

Pero walang KathDen highlight sa palabas, kaya hopia at asado ang fans ng kanilang tandem.

bench finale with ben chan, richard-lucy, dingdong-marian

Pinakahuling bahagi ng Bench show ang paglabas ng big boss ng Bench na si Ben Chan.

Sinundan siya ng couples na sina Richard Gomez at Lucy Torres pati na rin nina Dingdong Dantes at Marian Rivera.

Ben Chan hugs the first endorser of his clothing brand, Richard Gomez. 
Photo/s: Bench/ lifestyle + clothing on Facebook

Sa umpisa ng show ay na-flash sa LED screen ang unang patalastas ng Bench kung saan tampok si Goma.

Huwag nating kalimutan na ang DongYan ang bida sa Rewind, ang pangalawang pinakamalakas na pelikulang Pinoy sa history.

Kaya pakiwari ko ay itong Body of Work ang pinakamaningning na fashion pauga ng taon.

david licauco wants to work with star cinema

Nang rumampa before si David Licauco sa Bench pasiklab ay nag-underwear siya at wala halos pumansin sa kanya.

This time, naka-topless ang Pambansang Ginoo pero malakas ang tilian sa kanya.

Sabi ng isang kaibigan, mabuti at malapit si David sa segment ni Kathryn.

Aba, nagkatabi pa sina Kathryn at David sa curtain call, nag-viral ang moment na yun, at nagkaroon bigla ng KathVid (pinagsamang pangalan nila).

Nagtinginan, hinawakan sandali ni Kathryn ang braso ni David, at marami ang kinilig, huh?!

Naalala ko tuloy ang interbyu ko kay David sa mediacon ng pelikulang G! LU noong Abril 17, 2024, sa Kao Manila, Newport World Resorts, Pasay City.

Inusisa ko siya kung ano ang dream role niya for movie at saka for TV.

“Ang dream ko talaga is magkaroon ng Star Cinema movie. Yun ang dream ko,” kaswal na tugon ni David.

Bakit Star Cinema? Meron namang GMA Pictures.

“Alam ko naman na may GMA Pictures but, you know, I grew up watching Star Cinema,” katwiran ni David.

Punto niya, lumaki siyang hinahangaan ang big stars ng Kapamilya network tulad nina Kathryn Bernardo at Daniel Padilla, maging ang LizQuen love team nina Liza Soberano at Enrique Gil.

“Fan ako ni Kathryn saka ni Daniel, ni LizQuen.

“So I think, of course, I wanna do a GMA film, pero yun lang talaga, dun ako lumaki — manood ng Star Cinema.”

Kung gagawa siya ng movie sa Star Cinema, anong klase? Rom-com?

“Kathryn Bernardo tayo. Kahit ano, oo. Idol ko yun dati, e. Siya ang pinapanood ko, e,” pag-asam ni David.

“Kahit man lang makasama siya sa isang pelikula, maka-acting ko siya, dream ko yun, di ba?”

Nang sabihin kong parang mahirap pa iyon at that point, ang tugon ni David, “Mahirap yun, mahaba yung pila. Mahaba yung pila. Ano na lang ako, ahhh… support.”

NOEL FERRER

Gusto kong papurihan ang creative team behind Body of Work: The Bench Show with Robby Carmona as one of the directors, Noel Manapat in the creatives, at Gino Gonzalez sa production design. Lahat top-notch!

Nang i-explain sa akin ni Noel at ng sakdal-sipag na si Sheila Quieta ang concept behind Hidilyn Diaz’s participation, hindi sila nagdalawang salita dahil maganda ang mensahe nito: ang iangat ang imahe ng Pinoy hindi lang sa pagpapakita ng katawan in all forms, kundi ang kinakatawan nito!

Hidilyn Diaz at the Body of Work: The Bench Show 
Photo/s: Bench/ lifestyle + clothing on Facebook

Kaya nagpapasalamat kami sa buong team na nagbigay ng pagpapahalaga kay Hidilyn sa event na ito.

Kahanga-hanga rin ang iba pang celebrities na hindi kailangang magtalop ng katawan para hangaan at palakpakan, tulad nina Joshua Garcia…

Dreamboat Joshua Garcia at the Body of Work: The Bench Show 
Photo/s: Bench/ lifestyle + clothing on Facebook

…Andres and Atasha Muhlach.

Pati na rin sina Francine Diaz and Seth Fedelin…

FranSeth, a.k.a. Francine Diaz (L) and Seth Fedelin, at the Body of Work: The Bench Show 
Photo/s: Bench/ lifestyle + clothing on Facebook

…at siyempre ang paborito kong Ruru Madrid and Bianca Umali.

Mas inclusive ang Body of Work compared sa previous Bench shows in terms of gender, age, and size ng models.

This is also the first time na nag-live streaming ang napakalaking fashion event ng Bench.

GORGY RULA

Nag-trending sina Kathryn Bernardo at Alden Richards dahil ang buong akala ng karamihan ay nag-isnaban ang dalawa.

Magkaiba kasi sila ng segment.

At ang suwerte ni David Licauco na nagka-moment sila ni Kathryn.

Kilig-kiligan ang mga fans na ginamit ang #KathVid bilang hashtag.

Pero sa tingin ko, walang isyu ang di pagkakaroon ng KathDen moment sa Bench show.

May naglabas ng resibo na nagbatian sina Kathryn at Alden sa backstage.

Sa finale naman kung saan lumabas na ang lahat ng mga rumampang celebrities at mga models, magkasabay silang dalawa sa magkabilang bahagi ng stage.

Nakita naming sumusulyap si Alden kay Kathryn na ngumingiti.

Kaya walang isnabang nangyari, pero hindi lang na-highlight sa naturang show ang sikat na tambalang ito.

Nabigyan lang siguro ng ibang kahulugan, lalo na’t ang dami ring nag-post sa X (dating Twitter) ng video na pasulyap-sulyap lang daw si Alden kay Kathryn.

Alden Richards is seen stealing glances at Kathryn Bernardo. 
Photo/s: Screen Grab from KDD’s video on Twitter

other standout celebrities at bench show

Bukod sa KathDen, may kanya-kanya ring pasabog ang ibang celebrities na rumampa noong gabing yun.

Kabilang pa sa celebs na hindi nag-underwear pero may impact sa fans ang pagrampa ay sina Sofia Pablo at Allen Ansay…

Team Jolly, a.k.a. Sofia Pablo (L) and Allen Ansay, brings kilig to the Body of Work: The Bench Show. 
Photo/s: Bench/ lifestyle + clothing on Facebook

…at si Kyle Echarri.

Kyle Echarri looking so handsome at the Body of Work: The Bench Show 
Photo/s: Bench/ lifestyle + clothing on Facebook

Isama na rin ang mga produkto ng PBB na sina Fyang Smith, JM Ibarra, at Kai Montinola.

Read: Fyang Smith chooses JM Ibarra over Jarren Garcia

Fyang Smith (L) and JM Ibarra at the Body of Work: The Bench Show 
Photo/s: Bench/ lifestyle + clothing on Facebook

Si Derrick Monasterio, talagang kinarir ang pagdyi-gym para ma-maintain ang magandang katawan.

Naintriga lang ang ilang kabadingan kung bakit kay RS Francisco niya ipinasuot ang hinubad na garland.

Yun pala, napansin ni Derrick na senyas nang senyas si RS sa kanya, kaya kay RS niya ito isinabit.

Derrick Monasterio (on stage) gives his garland to RS Francisco at the Body of Work: The Bench Show. 
Photo/s: Bench/ lifestyle + clothing on Facebook

Isa rin sa mga rumampa si Kelvin Miranda, pero tila hirap itong maglakad.

Yun pala, natapilok daw siya bago nag-start ang fashion show, kaya hindi na siya kumportableng maglakad.

Lastly, nagkatinginan kaming mga kabadingan nang rumampa ang isang sexy actor na see-through ang likod ng underwear.

Bakit parang kumekendeng ito maglakad? Nahirapan din ba siya sa boots na suot niya?