MANILA, Philippines — Todo-puri si dating Vice President Leni Robredo kay Vice Ganda matapos nitong mapanood ang kanyang 50th Metro Manila Film Festival (MMFF) entry na “And The Bread Winner Is.”

Sa ulat ng ABS-CBN News, sinabi ni Leni na nagulat siya nang makita si Vice na gumagawa ng mga heavy drama scenes.

“Hindi ko inaasahan na ganun ka-heavy ‘yung scene na ‘yun. Kung papaano siya nag-prepare, ‘yung sinasabi niya na familiar kasi,” Leni said.

“Familiar ‘yung lahat ng sinabi at sitwasyon. At I think, familiar ito sa maraming Pilipino araw-araw, naghi-hirap para buhayin ang pamilya at ipakita ‘yung pagmamahal,” she added. 

Sinabi ni Leni na maganda ang pagganap ni Vice sa role.

“Pero hindi ko inaasahan na ganun kahusay. Ang bigat, ano siya mabigat na mabigat. I never saw Vice in a dramatic role na parang akala ko sprinkling of drama lang, pero mabigat siya in a way, ang pakiramdam ko nagbibigay-pugay. Nagbibigay pugay siya sa lahat,” she said.

Noong nakaraang linggo, sinabi ni Vice sa “Its’ Showtime” na papasok na siya sa bagong panahon sa kanyang filmography. Samantala, inaprubahan ni Leni ang kanyang ideya.

“At palagay ko kailangan damihan niya pa. Wala na siyang kailangang i-prove sa kanyang negosyo. Eto iba, iba in the sense ‘yung lalim ramdam,” Leni said.

Bukod sa “And The Breadwinner Is,” sinabi ni Leni na manonood sila ng kanyang mga anak tuwing MMFF entry.

“Pinlano ko na magma-marathon kami ng mga bata. Pero sobrang grabe ‘yung pila, grabe din ‘yung ginagawa. So, sabi ko pag-uwi ko ng Naga, magma-marathon ako. Swerte din na ito ‘yung una,” she said.