Marami ang natuwa sa muling pagkaka-engage ng social media influencer na si Pau Fajardo, matapos ang masalimuot na karanasan sa nagdaan niyang relasyon.

Nitong Miyerkules, January 1, 2025, isinapubliko ni Pau ang engagement nila ng kanyang non-showbiz boyfriend na si PJ Reblora.

Base sa Instagram post ni Pau, noon pang July 2, 2024 lumuhod sa kanyang harapan si PJ para hingin ang kanyang kamay nang nagbakasyon sila sa Valley Of Fire State Park sa Nevada, USA.

Mababasa sa caption ni Pau, kalakip ang mga litratong kuha sa naganap nilang engagement (published as is), “The best day of 2024: 7.2.24

“Thank you for showing me and your family what true love looks like @papajaayy.”

CONGRATULATORY MESSAGES

Inulan ng congratulatory messages ang post na ito ni Pau.

Marami sa kanyang fans ang natuwa sa muli niyang pagkaka-engage.

Komento ng isang netizen, “Congrats Pau sobrang saya ng puso namin para sayo.”

Saad ng isa (published as is), “@_paufajardo so happy kami mga solid supporters mo pretty pau. Indeed the Right man (PJ) @papajaayy comes at the Right time and Right reasons….Road to forever..”

Sabi naman ng isa (published as is), “Wow congrats deserve mo ang lumigaya at sumaya , ang galing talaga ni lord ..all the best for you.hindi mo man ako kilala pero isa ko sa mga nasaktan nung nasaktan ka kaya isa rin ako sa pinaka masayang tao ngayon kasi dinala ka ni lord sa mas masayang chapter ng buhay mo,isa rin to sa pinagdasal ko na bigyan ka ng tamang tao, yung taong deserve mo..ngayon makaka-move on na ko hahaha…congrats ulet namnamin ang kaligayahan at ingat.

Maging si Dani Barretto ay hindi rin pinalampas na batiin si Pau.

Aniya, “Congratulations!!”

Dagdag pa ng isang netizen (published as is), “Congrats!!! We are so happy for you guys stay in love.. Pansin ko lang mas natural na lumalabas ang pagiging malambing ni Pau kay PJ kesa nung sila pa ni Scottie.. sa isa may awkwardness..”

PAU FAJARDO’S PAST RELATIONSHIP WITH SCOTTIE THOMPSOn

Ang “Scottie” na tinutukoy ng netizen ay ang dating kasintahan at ex-fiancé ni Pau—ang PBA player na si Scottie Thompson ng Barangay Ginebra.

Na-engage din noon si Pau kay Scottie ngunit sa hindi tinukoy na dahilan ay nagkahiwalay sila.

Read: Has Pau Fajardo forgiven Scottie Thompson a year after broken engagement?

Sina Pau at Scottie ay walong taong magkarelasyon.

Bisperas ng Bagong Taon ng 2021 ay nag-propose ang basketball player kay Pau.

Subalit laging gulat ng marami nang mapabalitang ikinasal na si Scottie sa isang stewardess, si Jinky Serrano, noong June 2021.

Read: Pau Fajardo breaks silence on ex-fiancé Scottie Thompson’s sudden wedding: “I am deeply hurt.”

Sa isang statement noon ay inako ni Scottie na siya ang may kasalanan sa paghihiwalay nila ni Pau.

Ngunit hanggang ngayon ay hindi pa rin nila sinaabi kung ano talaga ang dahilan ng pagwawakas ng walong taon nilang relasyon.