Wow, nag-propose pala ulit kay Ruffa Gutierrez ang ex-husband niyang si Yilmaz Bektas.

Na akala raw talaga niya ay joke lang ang lahat. Pero gusto raw nitong mag-ikot sila around Europe na naka-train.

Ito ang isa major revelation kahapon ni Ruffa nang ipakilala siya bilang newest ambassador ng Luxe Skin ng kumpanya ni Anna Magkawas.

Shocked daw talaga siya sa chat ng dating mister na pakiramdam niya ay wala kasing makuhang katulad niya. “I thought it was a joke,” pag-amin niya.

Regular na raw kasi ang communication nila ng dating asawa. “Sabi ko, ‘is this a joke?’  ‘Sabi niya, ‘no, I want to invite you to be in a train with me’ and mag-train daw kami all over Europe. So, sabi ko, ‘totoo ba ‘to or baka he’s planning my murder on the plane or train,’” pagkukuwento ni Ruffa sabay tawa ng malakas.

Pero dahil hindi siya pumayag, sinabi na lang daw ni Yilmaz na dadalaw na lang siya sa Pilipinas. “Sabi ko, ‘okay, you’re welcome to visit in the Philippines,’” dagdag pa ni Ruffa sa interview namin after ng presscon kahapon.

Naging maayos ang lahat sa kanila nang dalawin ng mga anak niya sa Turkiye ang ama nilang matagal nilang hindi nakita. “And I’m very happy na they are more at ease, you know, parang ‘yung pain na nakita ko nasa heart nila for how many years nawala. I’m just so happy for my daughters because they now have personal relationship with their dad. Kami rin ni Yilmaz ok din kami, minsan nagbibiruan kami. Nagpapadala rin siya ng ano (pera), you know, so happy kaming lahat. Oo, regular ang communication.”

So siya na nagsho-shoulder like kay Lorin sa kanyang schooling?

“‘Wag mo nang alamin kung anong binabayaran niya. Pero ibig sabihin, importante, nagbibigay na, ‘di ba.”

Hanggang may nagtanong kung bakit ‘Boss’ ang tawag sa kanyang ng dating mister?

“Kasi ako ang boss niya. Hindi siya makahanap ng isang katulad ko, hanap siya nang hanap sa buong mundo. As a matter of fact, he wanted to propose and get married to me again.”

May chance ba ulit? Or nanliligaw ba ulit si Yilmaz?  “I don’t say that he’s courting me again. At least, we come to that decision na we can joke and be happy with one another.”

Matagal-tagal na rin silang hindi nagkikita ng dating asawa. “Matagal ko na siyang hindi nakikita, eh. The last time I saw him was, I don’t know, 18 years ago.”

Pero anong naramdaman niya ngayon na regular na ulit silang nag-uusap?

Walang kilig or excitement? “Wala, natatawa ako,” aniya.

May nagselos ba? Wala raw.

At tulad ni Ruffa, hindi pala ikinasal ulit si Yilmaz kahit ang tagal na nilang hiwalay ng negosyanteng Turkish.

“Si Yilmaz, alam mo, kahit na saang lupalop siya umikot sa buong mundo, iisa lang ang Ruffa at alam niya ‘yon,” sabi pa niyang natatawa.

Pero hanggang friends lang daw talaga.

“Ano lang, I always wish Yilmaz well. And I always wish that he becomes successful in life kasi his success is also the success of my kids. Ano lang kami, we’re best friends now,” dagdag pa niya.

Sa kasalukuyan daw ay masaya siya and at peace.

“Wala akong stress, walang nawawala sa gabi na kailangang hanapin mo pa at wala ring nagbibigay sa akin ng ‘O, nasan ka na? Anong oras ka uuwi. Ayoko ng gano’n. My gosh, I’d rather be alone than be stressed!

“Happy ako sa life ko ngayon, thank you, Lord. Steady lang lahat, walang problema,” pag-amin pa niya.

Samantala, bilang bagong Ambassadress of Luxe Skin, tatlong must-have product ang ine-endorse ng aktres, ang Skin Glowtion, Sofft Matte Lip Cream and Luxe Slim.