Muling umugong ang pangalan ng dating aktres na si Andi Eigenmann matapos lumabas ang balita na binawi niya ang lahat ng naibigay kay Philmar Alipayo, kabilang ang mamahaling surfboard, ari-arian, at iba pang suporta. Ang dahilan? Umano’y panloloko at pagpapabaya ni Philmar sa kanilang mga anak.

Nag-ugat ang kontrobersya matapos mapansin ng mga netizen na nag-unfollow sina Andi at Philmar sa isa’t isa sa Instagram. Bukod dito, naglabas si Andi ng ilang cryptic posts na nagpapahiwatig ng pagkakanulo at panlilinlang. Isa sa kanyang mga post ay nagsasabing, “They stab you and pretend they are the ones bleeding.”

Lumabas din ang balita tungkol sa isang foreign surfer na si Pernilla Sjoö, na may matching “224” tattoo kay Philmar. Dahil dito, umugong ang espekulasyon na may namamagitan sa dalawa. Bagama’t itinanggi ni Andi na may pisikal na pagtataksil, sinabi niyang may mga taong nakapaligid kay Philmar na tila ginagatungan ang kanilang hindi pagkakaintindihan upang humantong sa hiwalayan.

Isa sa pinakamalaking isyung lumutang ay ang diumano’y pagpapabaya ni Philmar sa kanilang mga anak. Ayon sa malalapit na kaibigan ni Andi, madalas daw na iniiwan ni Philmar ang kanilang mga anak upang unahin ang surfing at paglabas kasama ang kanyang mga kaibigan. May mga pagkakataon pa raw na hindi ito nagpapakita ng responsibilidad bilang ama.

Sa isang post, ipinahayag ni Andi: “A responsible father knows his priorities. Hindi pwedeng puro kasiyahan at surf trip habang may mga batang umaasa sa’yo.”

Dahil dito, napagdesisyunan umano ni Andi na bawiin ang lahat ng kanyang naibigay kay Philmar, kasama na ang surfboard na nagkakahalaga ng Php2M at iba pang suporta na dati niyang ibinibigay upang matulungan ang kinakasama.

Ang surfboard na ito ay isang espesyal na regalo ni Andi kay Philmar bilang suporta sa kanyang career bilang isang professional surfer. Ngunit matapos ang sunod-sunod na isyu, binawi na ito ni Andi. Ayon sa ilang sources, hindi naging madali para kay Philmar na bitawan ang surfboard, lalo na’t naging bahagi na ito ng kanyang buhay. Ngunit matigas ang desisyon ni Andi, na tila nagpapahiwatig na hindi na siya papayag na magpaabuso.

Sa kabila ng mga lumalabas na akusasyon, nananatiling tahimik si Philmar ukol sa isyu. Sa isang Instagram Story, sinabi niya: “Kung ano man ang inyong nabasa, ‘yun ay totoo. Wala nang taguan dahil mahirap.” Dagdag pa niya, “Kilala niyo naman ako kung ano pagkatao ko, so siguro kilala niyo na kung ano siya. Hindi na kailangang pahabain pa.”

Maraming netizens ang nagbigay ng kani-kanilang opinyon sa nasabing pahayag. May mga naniniwala na si Philmar ay nagpapahiwatig na hindi siya ang may kasalanan sa kanilang paghihiwalay, habang ang iba naman ay iniisip na may gusto siyang iparating tungkol kay Andi.

Sa ngayon, hindi pa malinaw kung tuluyan nang naghiwalay sina Andi at Philmar o kung may posibilidad pang magkabalikan sila. Bagama’t sinabi ni Philmar sa isang panayam na “Ok na kami,” maraming tagasubaybay nila ang nananatiling nag-aabang sa magiging susunod na hakbang ng dalawa.

Para sa maraming tagahanga, isang malaking kawalan ang kanilang paghihiwalay, lalo na’t kilala sila bilang isang ideal couple na namuhay ng simple at tahimik sa Siargao kasama ang kanilang pamilya. Sa kabila ng lahat ng kontrobersiya, umaasa ang kanilang mga tagasuporta na maayos nila ang anumang hindi pagkakaunawaan at magkaroon ng payapang buhay—magkasama man o hindi.

Patuloy naming babantayan ang mga susunod pang update sa kontrobersyal na hiwalayang ito.