Binasag na ni Pauline “Pau” Fajardo ang kanyang katahimikan kaugnay ng pagtatapos ng relasyon nila at biglaang pagpapakasal ng dating fiancé na si Scottie Thompson sa ibang babae.

Pinakasalan ng Barangay Ginebra star player ang stewardess na si Jinky Serrano sa isang private ceremony sa Las Piñas noong unang linggo ng Hunyo.

Sa kanyang inilabas na pahayag sa Instagram ngayong Huwebes, June 24, inamin ni Pau na masakit ang nangyaring pagtuldok nila ng relasyon ni Scottie, na akala niya ay kanyang makakasama habambuhay.

Hangga’t maaari ay ayaw raw magsalita ni Pau sa nangyari dahil “personal matter” ang isyung kinasasangkutan.

Pero inamin niyang labis siyang nasaktan sa nangyari.

Bahagi ng pahayag ni Pau: “I kept quiet not because I was insensitive or indifferent but because the issue is very much a personal matter.

“And I intend to keep it that way. I will continue to resolve this privately with the help of trusted friends and family.

“That said, I am deeply hurt. I ended a long-term relationship with the man I was ready to spend the rest of my life with.

“To say it has been heartbreaking is an understatement.”

Nais na raw mag-move on ni Pau sa pangyayari.

Humingi rin siya ng dispensa sa mga taong nakaladkad sa isyu.

“I understand that other people may have been dragged into this, but it was never my intention to hurt or harm anyone.

“I’m sorry if there have been things thrown in someone’s way.

“Please understand that I have no control over what people are sharing on social media on this issue,” saad niya.

Nagpasalamat naman si Pau sa mga taong dumepensa sa kanya. Pero may pakiusap siya sa mga ito.

“I would like to ask everyone—if you genuinely care for me—to please refrain from doing things that would further inflame the situation.

“I hope you will respect my simple request.”

Ito na raw ang huling beses na magsasalita siya sa isyu.

“This will be the last time I will be commenting on this issue. I kindly ask everyone to respect my decision,” sabi ni Pau sa dulo ng kanyang statement.

Ikinagulat ng PBA fans ang biglaang pagpapakasal ni Scottie kay Jinky nitong Hunyo 2021 dahil noong New Year’s eve lang siya nag-propose kay Pau.

Pero noong buwan ng Abril ay nagdesisyon ang dalawa na tapusin na ang kanilang relasyon.